Urdu Poetry Forum

Chiraagh maangtay rehnay ka kuch sabab bhi nahin,
Andhaira kesay bitaaien kay ab tou shab bhi nahin

Main apnay zom main aik baazyaaft par khush hoon,
Yeh waaqiya hai kay mujh ko mila woh ab bhi nahin

Jo meray shair main mujh say zyaada bolta hai,
Main us ki bazm main aik hurf-e-zer-e-labb bhi nahin

Aur ab to zindagi guzaarnay kay sau tareeqay hain,
Hum us kay hijr main tanha rahay thay jab bhi nahin

Kamaal shakhs tha jis nay mujhay tabaah kiya,
Khilaaf us kay yeh dil ho saka ab bhi nahin

Yeh dastakien, yeh meri zindagi ki aadhi raat,
Hawaa ka shor samajh loon to kuch ajab bhi nahin

Yeh dukh nahi kay andhairon say sulaah ki ham nay,
Malaal yeh hai kay ab subah ki talab bhi nahin

Hisaab-e-dar badri tujh say maang sakta hai,
Ghareeb-e-shehar magar itna bay adab bhi nahin

Hamain bohat hai yeh saadaat-e-ishq ki nisbat,
Kay yeh qabeela koi aisa kam nasab bhi nahin..

__________________

__________________

__________________