koi mujh ko mera bharpoor sirapa laa dey
mere bazo, meri anken, mera chehra laa dey

aisa dariya jo kisi aur samandar mein gire
is sey behter hai hai k mujh ko mera sehra laa dey

naya mousam meri beenaye ko tasleem nahi
meri ankhon ko wohi khuwab purana laa dey

koi khuwahish nahi tujh se aey umr-e-rawan
mera bachpan, mere jugnoo, meri guriya laa dey

jis ne bachpan mai mujhey dhoop se mehfooz rakha
wohi khushboo, usi mitti ka ghaonda laa dey

jis ki ankhen mujhey ander se bhi perh sakti hon
koi chehra to mujhey shahar mai aisa laa dey

kashti-e-jaan to bhanwar mai hai kaye barson se
aye Khuda ab to dubo dey ya kinara laa dey