Ghazal
palkein jhukaey narmi se jo us ne baat ki
har shay hasin ho gai is ka'inat ki
waqif hain gar che azmat-e sabr o raza se hum
aakhir kabhi to sahr ho zulmat ki raat ki
tamhid aik gham ki hai har ek khushi yahan
chalein samajh na pa-e kabhi hum hayat ki
simtengi was'atein sabhi kunj-e mazar mai-n
itni si hai haqiqat bas apni zaat ki
hasti se fasla-e adam gul se poochhiye
karte hain aap Noor se batein sabat ki


Noor-al-sabah