 har aaina ek aur dikhaey mera chehra | |
GHAZAL
Har aaina ek aur dikha-e mera chehra
pahchan nai roz kara-e mera chehra
utra hai meri zaat main jane woh kaha-n tak
uska hi koi aks dikha-e mera chehra
taraj gulista-n ho agar koi khiza-n se
ujhre hue gulshan ko khilae mera chehra
kyunkar meri hasti ka ho idrak jaha-n ko
mujh se hi mujhi ko hai chhupa-e mera chehra
barsat ho ankho-n se ,gire barq-e abassum
mosam ka taqaza na bhula-e mera chehra
ansu ko bana ke yeh hansi lab pe saja-e
yun zakhm-e niha-n Noor chhupaey mera chehra
Noor-al-Sabah
Last edited by Noor-al-sabah; 04-28-2008 at 09:27 AM.
|