apni marzi sey kaha.n apney safar k hum hain
rukh hawaoo.n ka jidher ka hai udher k hum hain

pehley har cheez thi apni magar ab lagta hay
apney hi ghar main kisi dosrey ghar k hum hain

waqt k saath hai mitti ka safar sadiyoo.n ka
kis ko maloom kahan k hain, kidher k hum hain

chaltey rehtey hain k chalna hay musafir ka naseeb
sochtey rehtey hain k kis rah_guzar k hum hain

gintiyoo.n main hi giney jaatey hain har dour main hum
har qalam_kaar kii be-naam khabar k hum hain