Urdu Poetry Forum

Originally Posted by saharey2020

Lo aa'o keh raz e pinhan ko..........ruswa e hikayat kartii hoon
Daaman e zuban e khamshi....... ko labrez shikayat kartii hoon
Ghabra kay hujoom e gham say aaj afsha e haqiqat kartii hoon

Izhar ki.............. jur'at kartii hoon
Main tum say mohabbat kartii hoon

Fikr abad dunya main miri,......... ik masjood o ifkar ho tum
Sha'eristan hasti main miri;....... ik maabood ash'ar ho tum
Aur meray parstish zar e dil main ik but e shirin kar ho tum

Main jis ki........ ibadat kartii hoon
Main tum say mohabbat kirtii hoon

Muddat say mohabbat kartii thii,.... sau jan say tum per martii thii
Raatoon ko main rota rahtii thii, ratoon ko main aahain bhartii thii
Haan ratoon ko aahain bhartii thii,.....per tumsay kahtay dartii thii

Aaj is ki........... jasarat kartii hoon
Main tum say mohabbat kartii hoon

Tum chaand say barh kar roshan ho,.. zuhra ki qasam, taroon ki qasam
Tum phool say barh kar rangeen ho, fitrat kay chaman zaroon ki qasam
Tum sub say haseen ho dunya ki tarah, ..dunya kay nazaroon ki qasam

Dunya say bhi.... nafrat kartii hoon
Main tum say mohabbat kartii hoon

Is makr ki dunya main keh jahan. ma'ayar e sadaqat kuch bhi nahin
Do ashkoon say barh kar sacha aur izhar e mohabbat kuch bhi nahin
Rota hoon tumhari yad main go.... ronay ki shahadat kuch bhi nahin

Pesh itni....... shahadat kartii hoon
Main tum say mohabbat kartii hoon

Jub raat ki bekas tanhaee main,............... aap ko tanha pata hoon
main barbat dil say sauz o gudaz ishq kay....... naghmay gata hoon
Itna tou bata do tum bhi mujhay, kya main bhi kabhi yad aata hoon

Batla'o keh....... minnat karta hoon
Main tum say mohabbat karta hoon

Gar hukm do roshan taroon ko. main la kay jhuka doon qadmoon per
Jannat kay shagufta phooloon ki jannat see basa doon qadmoon per
Sajda geh mahr o mah ko bhi..... sajday main giradoon qadmoon per

Nacheez hoon.. himmat kartii hoon
Main tum say mohabbat kartii hoon