Urdu Poetry Forum

teri yaad kahein rakh k bhool gya hoon

socha tha pehle kar loon woh kaam jo mjh ko karne hain
phir to maah o saal isi k sath guzarne hain

jub ye faraz ada kar loon ga jub ye qarz utarun ga
umar ka baqi hissa teri yaad k sath guzarun ga

aaj firaagat paatey he maazi ka daftar khola hai
tanhaie mein baith k apna ik ik zakham tatola hai

chaan chuka hoon jism o rooh pe aie hoi khirashon ko
ulat palat k dekh liya hai armano ki lashon ko

kamre mein rakha tha usey ya dil mein kahein dafnaya tha
jaane woh anmol khizana mein ne kahan chupaya tha

sari umar ka hasil thi ye khone wali cheez na thi
soch raha hoon yaad teri gum hone wali cheez na thi

warq warq dekha hai apni gard alood kitabon ko
jaisy ko baidari mein dhoondh raha hoon khwabdon ko

muddat se jo band padi thi woh almari dekhi hai
zang lagey sindooq ki har shay bari bari dekhi hai

kamrey mein phaila kar mein ne soot purane dekh liye
apni likhne wali maiz k sarey khane dekh liye

aqul k hathon se bhi aksar nadani ho jati hai
bohat sambhal k rakhne par bhi cheez kabhi kho jati hai

apne sarey ghar walon ko diwana sa lagta hoon
is kamre se us kamre mein khoya khoya phirta hoon

soch samajh kar dunia ki nazron se chupa kar rakha tha
mein ne to is yaad ko apne liye bacha kar rakha tha

teri yaad kahein rakh kar bhool gya hoon................ .................... ......
.................... ..

__________________


Dukh tujhey ho ga k mein bey hiss hoon pathar ki tarah
meri tanhaie mein shamil apni tanhaie na kar!

dekh khushbu ki tarah udtey hain shehar mein qissey
ajnabi logon se zikar mehfal araie na kar.....

__________________

__________________