Urdu Poetry Forum

**khaaki** · #1 09-26-2007, 10:12 PM

Assalam o Alaikum Everyone

aap sab ke saath apni ek nazm share kar raha hon umeed hai pasand aayegi

Ek zamana aisa tha
Kuch chaand ki pooja kartey the
Kuch soraj dekha kartey the
Kuch taaron ki raftaaron se
Jeenay ke dhang batatey the
Kuch aag mein khoye rehtay the
Kuch been ko sun ke nachtey the
Kuch log tu aise guzrey hain
jo khaak ko munh pe maltey they

Phir ek zamana aur aya
Ek UMMI ghaar se nikla aur
Ek sab se juda Qur'aan laya
Sab jisko sun kar hanstey the
Woh kaahin hai yeh kehtay the
Logon ne haath mein sang le kar
Uski baaton ko jhoot kaha
Kuch logon ne sacha mana
aur uske saathi ban baithey

Woh ek khuda ke bandey chund
Har mushkil ko seh letey the
Har ek zakham see letey the
Har ek aanso pee lete the
Woh tapti dhoop aur bairion mein
seenay pe sil ka bojh liye
Ek ALLAH hai yeh kehtay the
Aur Rooh ki ghiza se hi apne
Shkim ko bhi bhar lete the
Woh paet pe pathar baandh ke bhi jee letey the

Us UMMI ne jo dars dia
Woh sab se sacha afzal tha
Un pakki thakki baaton ne
Logon ka kaleja cheer dia
Aur qalb ke rukh ko morr dia
Jo saathi chand miley unko
Woh saathi bhi kia saathi they

Woh apne dard se be fikrey
Seenay pe waar ko sehtay the
Woh ek khuda ke naam pe hi
Apna sab kuch le aatey the
Kia roti ho kia bartan ho
Kia paisa ho kia zaiwer ho
Woh sab hi kuch le aatey the
Woh taat pehen kar jeetay the
Kaanton se bandh lagatey the
Jebreel lamhon mein aatey the
Un UMMI ko batlatey the
ALLAH ke farishton ne bhi isi
Malboos ko tan pe zaib kiya
Aur ALLAH unse raazi hai
Kiya woh ALLAH se raazi hain?

Socho to zara dekho to zara
Ke KAUN raza ka taalib hai
Aur KISKO razamand hona hai

Kiya khoob zamana guzra hai
kiya khoob zamana guzra hai