It seems that you are unregistered. Please register with us by clicking Here, or if you are already registered login here
It seems that you are unregistered. Please register with us by clicking Here, or if you are already registered login here
Welcome to Urdu Community & Poetry/Shayari Forum
This is a discussion on Polling: Nazam Contest for the Month of December 07 within the Nazam forums, part of the Urdu Poetry - Shairi category; AslamOalikum Friends Nazam Section Kii Polling ka Aaghaz Kartay hAin Ap Apnii Favrt Nazam ko Vote Kar Saktay hAin Khud ...
| |||||||
| Poetry | Video | Photo | Books | Games | Sites | Register | Groups | FAQ | Calendar | Mark Forums Read | Chat |
| Notices | |||||||||||
|
| View Poll Results: Polling: Nazam Contest for the Month of December 07 | |||
| 01 |     | 0 | 0% |
| 02 |    | 0 | 0% |
| 03 |    | 1 | 10.00% |
| 04 |    | 3 | 30.00% |
| 05 |    | 2 | 20.00% |
| 06 |    | 0 | 0% |
| 07 | | 1 | 10.00% |
| 08 | | 1 | 10.00% |
| 09 | | 0 | 0% |
| 10 | | 0 | 0% |
| 11 | | 1 | 10.00% |
| 12 | | 0 | 0% |
| 13 | | 0 | 0% |
| 14 | | 0 | 0% |
| 15 | | 0 | 0% |
| 16 | | 0 | 0% |
| 17 | | 1 | 10.00% |
| 18 | | 0 | 0% |
| 19 | | 0 | 0% |
| 20 | | 0 | 0% |
| 21 | | 0 | 0% |
| 22 | | 0 | 0% |
| 23 | | 0 | 0% |
| 24 | | 0 | 0% |
| Voters: 10. You may not vote on this poll | |||
 |
| | LinkBack | Thread Tools |
|
#1
12-24-2007, 06:50 PM
| |||||
| |||||
AslamOalikum Friends Nazam Section Kii Polling ka Aaghaz Kartay hAin Ap Apnii Favrt Nazam ko Vote Kar Saktay hAin Khud Apni Hii Post Ko Ki Gaii Vote Count Nhe hOgi Voting kii Last Date 31st December hAi #01 Zonaad kaha usS ney December kO kabhie jaltey huey dekha kaha main ney chahtOn ki hadOun kO chOo k dekha hai! kaha usS ney k pOora chaand kitna khOobsurat hai kaha main ney k main aksar teRi tasveEr takta hOon! kaha usS ney merey saathie banaein baraf ka ik ghaR kaha main ney December mein havaein gungunati hain! kaha uss ney December ki chamakti chaandNi dekhi kaha main ney k terey baad main ney kuch nahi dekha! kaha usS ney December mein teRi yaadein satati hain kaha main ney meri jaanan mOhabbat kab bichaRti hai! kaha usS ney teRi yaadein jalati hain mera aanchal kaha main ney December kO chalO phir sey bulaatey hain! #02 Main Hon Naa Chalo khatam hoi aaj say dastaan-E-muhabbat Ab hum tareekh-e-wafa main tera naam kanda kertey hain Chalo aaj say hum chahat k zanda'n main muqeed huy Teri yaad k sehra main dard-E-maazi ki wa'eed huy Chalo ab kitaab-e-zeest se awraq-e-wafa palat'tay hain K ab hum "wafa" ko jafa likhaingay , saza likhaingay K ab hum apni bheegi january ki shuru'aat Teray bakhsay huy azaab-e-tanhai se kertaY hain Chalo ab teri muhabbat ki umar qaid muqaddar hoi (k hum ko wafa nibhanay ki saza to milni thi) Chalo ab hum apney haathon ki lakeero'n say Tera aks-e-jaa'n mita daingay Qalb-e-jaa'n main saji tasveer-E-muhabbat . . .. Shab ki tanhai main chupke say hata daingay Is per bhi sehar koi gham nahi hota K hum ko zamane main teri ruswai manzoor nahi Shayad isi liye yeh lehja gham nahi hota Mgr jab faseel-E-jaa'n say saans ukharti hay to Aise main hum Aseer-E-muhabbat Phir say ahd-E-wafa duhranay lagtay hain Itneay zakhm kha kar bhi nishtar jaan ko teri ankhon ka Surmai samandar yaad aata hay Aisay main hum dair tak mazar-E-muhabbat per Noha giri kertay hain , aahain bhartay hain Aise main yaad-E-maazi ki her yaad Nakhl-E-yada'n say mehev hojati hay aisay main bas december ki Siskiyan leti hoi sard tareek yaad ka alvidaii manzar yaad aata hay aisay main humain tu bhi nahi teri chahat bhi nahi Bass woh muabbat ka aakhri december yaad aata hay Haan bass woh aakhri december .........Yaad aata hay ..!! #03 Adhuraa December sy kia poochty ho ye tu ik muhar hy ik seel hy jo zindgi k ik baab pr ik saal k ikhtatam pr Aj lag jay gi poochna hy tu in dhool uraty March April or September sy poocho October or November ki in udas shamon sy poocho ya agr poocha hy tu Januaryfeburary ki thitherty kuhar aalood shamon sy poocho mayjunejulyaugust ki jhulasti weeran dopehron sy poocho wo chehry jo in be dard maheenon ki bhooki kokh main ja samay wo yaadain jo ruton ki badalti tareekhon sy kita e nazar dil main angaron ki tarah dehakti rahain gi saal palat saktay hain din tareekhon ka bhaes badal badal kr aa sktay hain wo hi hr maheeny ki yakam do or phir untees or tees magar ye ooper neechy girti tareekhain din ki kokh sy janam laita aik or din khua kitna hi niya kion na ho ujla or roshan kion na ho wo beetay sunahry lamhy wo man chahy chehry wo roothy bikhry sapny wo piyaron ki unbhool yadain wo meezan e amal main berhty hr lamhy k khasary ka ehsas kon sa bers kon sa din kon sa pal phir sy mana kr la sakta hy apni jholi main bhar kr la skta hy December sy kia poochty ho ye tu ik sham main dhal kr aaya hy nerm garam yadon ka moonh band sermaya aakhir shab Decemberk hawaly kr k Yakam Janwary main ja samay ga December sy kia poochtay ho #04 M a Natiq  dEcEmBeR sAaL kA aAkhri mAHeENa HAi pHiR dEcEmBeR k iS mAhEeNaY mAin jAaN o diL kA hiSaAb kArnA hAi kiS tAmAnNa nE kiTnA tArpAyA aArZo k kiTnAy pHoOl kHiLaY kOnsi rUt mAiN kiTnAY zakHm MiLaY nAmUrADi k ZarD mAuSaM mAiN kOn se LoG sAatH cHhOR gaYe KitNi sOcHaiY k jAa'N taLb NiKLiN kiTnI sUbhAyN maLaAL mAiN dOoBi'N kitnAy diN tHaY uDaAsiYoN waLe kOnSi sHaAM kiTnAy DuKh LaYi kiTnI rAaTaYn aZaAB mAiN GuzRi'N kiN hAqAyiQ ki bAaD-e-SaR SaR maiN kiTnE kHuWaBoN k pHoOL kHaak hUyE hUm nE uS bEwAFa kO kHo kAr bHi sAaL bHaR k sabHi mAhEeNo'n mAiN hAR mAhEeNAy k AiK Ek diN mAiN aUr hAr diN k eK eK paL mAiN hUm nE sau bAaR uNkO yAaD kiA jUb miLi kOi sA'aT-e-iShRat biChRaY yAaRo'N ki yAaD aAnAy LaGi kiTnAy pYaRo'N ki yAaD aAnAy LaGi jiN k jALwO'n Se AaNkH RosHan tHi JiN ki kHuShBo Se jAa'N mEhAkTi tHi dEkH kA rjiN kO diL dHaRakTa tHa pHiR wOhi LoG AjNaBi tEhRaY hUm nE gHam kA hISaAB kArnA hAi "SaAL kA aAkHri mAhEeNa hAi"   #08 shoog Wo Lamhay…….. Soch Ki Dahleez Pay ThehRay Huwey HaiN ! DecembeR K Maheenay MaiN HazarooN Saal Pahlay Jab TeRay Waday K HontooN Ne Meri Ankhoon Say Behtee Zindagi K Hath Choomay Thay Meri Bayrang Batoon K Kinaray Tum Nay Kwabon K Sahary Or Ashkon K Sitaray Rakh Diye Thay ! AuR Hawa Ko Apni Chahat Ki Ifazat Kaa Ishara Kar Diya Thaa Hawa Ki Khunkiyon Main Ab Bhi Teri Naram Batain Aahatoon Kaa Jaal Buntee Hian Sama’at ….Ab Bhee Teray Qahqahon Kaa Shoor Sunti Hay Khayal Ab Tak Tumhari Ungliyon Say Meray Dil K Surkh Ansoo Pochta Hay! Nigahain Baraf K Phelay Chamaktay Kenwas Par Jaa-Bajaa Teri Rifaqat Ki Zarorat Paint Karti Hay ! Tehtartay Paniyon K Tan Pay Bikhri Dhoop Tera Bagair Rooti Hay Kahan Hota Hay Too Muhabat Ki Sulagtei rahguzar K Kinaray Pay December …. Ab Bhi Tera Muntazir Hay ! #09 zeename Socha tha pichlay December main.. Agla saal katay ga kaise? Abi January main baithay thay K mah pe mah guzr giaa Herat se daikha calender ko To dil ko dachka lag gia Abi to January aai thi Abe se December aa gia? Abi to naee saal ka timetable banana tha Aur abi se saal guzr gia? Bas yehi schtay sochtay Agla Saal Bi Guzr Gia......!!! #10 Sana Abid Tujh se juddai ka dukh Tere hijr ka karb Dekh phir se aa gaein hain DECEMBER ki sard ratein Azaab ratein Tere kurb main doobi Khawabnak ratein Teri woh purnoor ratein Tujhe kya khabar DECEMBER ki sard raton main Tere sang beeti sardiyon k Khushgawar khoobsurat shamon ko yadd kerta hoon Iss moohum si tammam k sahare Teri talash main Sardkon per awarah phirte hoe Aate jate chehron mein tujhe khoja kerta hoon Shayad k woh tum ho Aur thak haar ker joh lauta hoon Toh khud per khoob hunsta hoon Phir! Phoot phoot ker rota hoon #11 faridnawaz aaee dhund meen lipttee thathartee yakh basta december gawah rehna hum nee ik ore saal bitaa dala un ki yadoon see galee miltee ore hamari iss kefiyat pee aaj tera bhi akhri suraj buhoot zood ranj tha dhaltee dhaltee december gawah rehna hum aajbhi apni zaat kee zindaan meen muqayad laboon pee muhor-e-sakoot liyee faqat ik wadee pee ik asree pee apni zaat koo zarraa zarraa udrraa rahee heen ore guzree huwee lamhat ki dhool meen khoya huwa ik wada ik iqrar talashtee heen kitnee mushkil ore kathin yee rastee heen december gawah rehna hum tere anee wali rotoon meen bhi rooh kee under kaheen shesha pighlati saatoon meen bhi dast badast mehiv-e-intizar raheen gee #12 dil-e-nadaan DECEMBER Bay qarar mausam mein Yaad k jharokon se Phir tumhi se milnay ki Dil mein kitni khawahish hai Jo udaas rakhtihai Asj kal DECEMBER ki Phir udaas shaamein hain In ujaarr aankhon mein Zard zard raatein hain Barishon k mausam mein Toot phoot jata hoon Jab bhi yaad aatay ho Khud ko bhool jata hoon…..! #13 Dhanak  #14 sweet_jiya Kabhi youn bhi to ho Dariya ka sahil ho Puree chand ki raat ho Aur tum aao Kabhi youn bhi to ho decembar ki raton mai Pariyon ki mahafil ho Koi tumharii baat ho Aur tum aao Kabhi youn bhi to ho decembar ki raton main Yeh narm mulayam Thandi hawayen Jab ghar se tumhare guzaren Tumharii Khushbu churayen Mere ghar le ayen Kabhi youn bhi to ho decembar ki raton mai Suuni har manzil ho Koi na mere sath ho Aur tum aao Kabhi youn bhi to ho decembar ki raton mai Yeh badal aisa tutt ke barse Mere dil ki tarah milne ko Tumhara dil bhi tarse Tum niklo ghar se Kabhi youn bhi to ho decembar ki raton mai Tanhayi ho, dil ho Barasaat ho Aur tum aao KABHI YOUN BHI TO HO.......... DECEMBAR KI RATON MAI Last edited by ~ HijR ~; 12-24-2007 at 07:54 PM.        |
|
#2
12-24-2007, 07:44 PM
| |||||
| |||||
#15 hotkhan CHANDNI DECEMBER KI Raat us ney poocha tha Tum ko kaisi lagti hai Chandni December ki Mainay kahna chaha tha Saal-o-maah ke baarey mein Guftagu key kya maaney Chahey koi manzar ho Dasht ho, samander ho June ho, December ho Dharkano ka har naghma Manzaron pay bhaari hai Saath jab thumhara ho Dil ko ek sahara ho Aisa lagta hai jaisay Ek nasha sa taari hai Lakin uski qurbat mein Kuch nahi kaha mein ney Takti rah gayee mujh ko Chandni December ki #16 rimmalshaikh BARISH MAN BHEEGI DECEMBER KI AKHRI RAAT KHUL GAYE DAREECHE DIL KE LOT AYEN PHIR WO PURANI YADEN KORE KAGHAZ PAR LIKHE WO KHAMOSH TEHREEREN KARNE LAGEN HAM SE BAYAN AJ APNI HAQEQAT KE WO EK PAL JAB THAY HAM TUM SATH PAR JAB SE GAYE TUM HAM SE BICHAR LAGNE LAGI ZINDAGI HAM KO PARAI HONE LAGA MEHSOOS AISE KE NA JI SAKEN GAY HUM TUMHARE BIN NA AYEGA JEEVAN MAN KHUSHION KA KOI SAAL SOORAJ KI KIRNON NE DEKH KAR YE PHELAI APNI ROSHNI MUJH PAR AUR CHUPKE SE MERE KAAN MAN KAHA HAPPY NEW YEAR NAYA SAAL MUBARAK HO HAM DHERE SE MUSKARADIYE KE TERE BIN HAM ZINDAGI KA EK AUR SAAL JI GAYE. #17 forevera_l_i Dekh December ! ab mat aana Dekh December ! Ab mat aana Dekh December ! Mere andar kitnay sehra phail chukay hain Tanhai ki rait ne mere Saaray dariya paat diye hain Ab main hoon Aur mere banjhar pan ki bojhal ta hai Dekh December ! Teri baraf shabo'n main Teri bekhuwab shabo'n main Khuwab sweater kon bunay ga Rooh k andar girti barfain kon chunay ga Dekh december ! Apnay dukh ki baraf pehen kar Dhoop Diyaro'n tak mat jana Mere piyaro'n tak mat jana Dekh december Ab mat ana Ab mat ana ...! #18mechatronics  #19 adeelmmx Ab bhii har december main mujhse pochte hain log kis liye december main yun odaas rehta hon koi dukh chupata hon ya kisi k jane ka soug phir manata hon ap mere album ka safa safa dekhen ge aaye dekhata hoon zaapt aazmata hon Sardiyon k mousam main garm garm coffee k chote chote sip le kar koi mujhse kehta tha haye is december main kis bala ki sardi hay kitna thanda mousam hay kitni yakh hawayen hain ap bhii ajab shey hain itni sakht sardii main ho k itne beparwa jeans or T-Shirt main kis maze se phirte hain shaal bhii mujhe de dii Cout bhii orha dala phir bhii kampti hon main chaliye ab sharafat se pehan lijye sweater ap k liye maine, bun liya tha do din main kitna maan tha osko mere apni chahat par Ab bhii har december main oski yaad aati hay garam garam coffee k chote chote sip lete hath gal par rakhe herat o taajub se mujh ko dekhti rehti or muskura deti shookh o shang lehje main mujhse phir woh kehti thii itne saard mousam main aadhii sleeve ki T-Shirt *"Male Chauvinism" hay is qadar na itrayen seedhe seedhe ghar jayen ab ki baar jab ayen Black trouser k sath, black high neck pehne cout dhang ka le len warna main qasam se phir aese rooth jaongii samne na aaongii dhondte hi rahiyee ga! pass bethe Abbu k app sunte rahiye ga tabsare siyasat (politics) par coffe le kar kamre main tou phir na main aaongii khali khali nazroon se app in khalaon main yunhii takte rahiyee ga or bekhayali par dant khate rahiye ga kitni mukhtalif thii woh sab se munfarid thii woh apni ik laghzish se maine khoo diya os ko ab bhii har december main oski yaad aati hay sardiyon k mousam main garam garam coffee k chote chote sip letii hath gaal par rakhe herat o taajub se mujh ko dekhtii rehtii thii ab har december main os ki yaad aati hay #20 pariareeba  #21 manoosheikh December laut aaya hay.. Tumhaaray laut aanay ki.. Naii ummeed jaagi hay.. Abhi pichhlay baras mein nay.. Tumhary seenay pay sar rakh kar.. Haya say munh chhupaaya tha.. Abhi pichhlay baras hi to.. December k maheenay main.. Tumne baanhoon main thaama tha.. Magar aprail aanay tak.. In jheel aankhoon main.. Naya sapna samaaya tha.. Mere chhotay say aangan main... Tumhain veh'shat si hoti thi.. Mujhay tum nay bataaya tha.. "Kisi ki qaid main rehna... Mujhay acha naheen lagta.. Main ik aazaad panchhi hoon" Suna hai phir say tanha ho.. Sitambar k maheenay say.. Bohat khaamosh rehte ho.. K jis ko tum nay chaaha tha.. Wafa k naam se us ko.. Bohot veh'shat si hoti thi.. "Woh ik aazaad panchhi tha.. Kisi ki qaid main rehna.. Usay acha na lagta tha..." Suna hai mere aangan ki.. Tumhain ab yaad aati hai... Suna hai tum pa'shaymaan ho... Chalo phir aisa kartay hain.. December ka maheena hai... Naya aaghaaz kartay hain... Tumharey baanhon main aaon main.. Aur seenay pay sar rakh kar... Haya say munh chhupa lo mein... December laut aaya hai... Suno ab laut aao tum....!!!! December laut aaya hai... Suno ab laut aao tum....!!!! #22 __shani__ Kaha tha yeh december main... humay tum milnay aao gay.. na janay kis december main tmhay milnay kOo aana tha december kitnay guzaray hain tumhari rahoOn koO taktay humari rah takti, muntazir, pur num nighahOon main sawan k jOo dairay hain december hee k tuhfay hain daikhOo ! december phir se aaya hay joO tum ab b na aay tu tumhari yaad main ab k akailay hum na roOain gay humara saath dainay kOo sawan k bharay badal galay mil mil k roOain gay phir itna paani barsay ga samundar seh na paay ga karoO na zid chalay aaOo rakha hay kia december main dilOon main chahtain hOon tu maheenay saray achay hain kisi achay se mousam main chalay aaOo december tu december hay december ka bharoOsa kia december beeet jaaay ga..... #23 schzad Aakhri chand din december kay her baras he giraan guzartay hain khahishoon kay nigaarkhanay main kaisay kaisay guman guzartay hain raftagaan kay bikhartay saalon ki aik mehfil si dil may sujti hai phone ki diary kay safhoon say kitnay number pukartay hain mujhay jin say murboot benawa ghantee ab faqat meray dil mein bujti hai kis qadar piaray piaray naamoon per raingti budnuma lakeerain si meri aankhoon main phail jaati hain doorian daairay banati hain her december kay aakhree din main her baras ki tarha say ab kay bhi diary ik sawal kerti hay kiya khaber is baras kay aakhir main meray in bechiragh safhoon say kitnay he naam kat gaye ho gain her december main sochta hoon may aik din is tarha bhi hona hay rang ko roshnee main khona hay...!!! #24 Soni Kurri Ae december alwida, ae december alwida tu ne jo dil per lagae zakham sab yaad hai jo achanak kho gaye woh jaan se pyare yaad hai bhegte aankhon k sare istikhare yaad hai aur jo kismat k dobe hai,sitare yaad hai kal jo khali tha woh daman,aaj bhi khali raha mere dil ka sona angan, aaj bhi khali raha mil sake na aik hasti bhi hamein yahan bawafa ae december alwida, ae december alwida aane wala saal jane kiya hamein dega sogat phool khushyon k khilege ya hoge wohi barsaat laut kar is saal bhi jane woh aye k nahi kiya khaber is saal bhi reh jayege hum khali hi haath ae december jate jate aik tu ahsan kar mustaqal jo dard hai dil main usse mehman kar chun le aansoo aankh se,honton ko hansna tu seekha ae december alwida, ae december alwida kohr main lapte teri in sard raaton ki qasam hum ne rakh rakha hai bas is zindagani ka bharam ho hi jayege kabhi hum pe bhi nazre karam chor hi jayega daman, aik din dunya ka gam ae december dost mere, akhri yeh baat sun hai khaber mujh main koi khubi hai,na koi gun phir bhi jo manga hai maine,woh mujeh kar ja ata ae december alwida, ae december alwida..
__________________  |
Polling: Nazam Contest for the Month of December 07 
