It seems that you are unregistered. Please register with us by clicking Here, or if you are already registered login here
It seems that you are unregistered. Please register with us by clicking Here, or if you are already registered login here
Welcome to Urdu Community & Poetry/Shayari Forum
Home
Blogs
Books
Games
Photos
Albums
Video
Import
Invite
Tags
Survey
Awards
Tutorials
RulesThis is a discussion on Nazm Competition Month of Oct 2006 Polling within the Nazam forums, part of the Urdu Poetry - Shairi category; assalam alaikum doston is baar hum ne doston se Muhabbat lafz pe nazmian share karnay ko kaha tha aur alhamdulilAllah ...
| |||||||
| Poetry | Video | Photo | Books | Games | Sites | Register | Groups | FAQ | Calendar | Mark Forums Read | Chat [3] |
| Notices | |||||||||||
|
| View Poll Results: Cast Your Vote For Your Favourite Nazm | |||
| Nazm # 1 |     | 2 | 9.09% |
| Nazm # 2 |    | 12 | 54.55% |
| Nazm # 3 |    | 0 | 0% |
| Nazm # 4 |    | 3 | 13.64% |
| Nazm # 5 |    | 1 | 4.55% |
| Nazm # 6 |    | 1 | 4.55% |
| Nazm # 7 | | 0 | 0% |
| Nazm # 8 | | 2 | 9.09% |
| Nazm # 9 | | 0 | 0% |
| Nazm # 10 | | 1 | 4.55% |
| Nazm # 11 | | 0 | 0% |
| Nazm # 12 | | 0 | 0% |
| Voters: 22. You may not vote on this poll | |||
 |
| | Thread Tools |
|
#1
10-26-2006, 06:34 PM
| |||||
| |||||
assalam alaikum doston is baar hum ne doston se Muhabbat lafz pe nazmian share karnay ko kaha tha aur alhamdulilAllah bahot achi nazmain share ki hain sab ne......competition 12 nazmon k beech hona hai yaani aap ko in 12 nazmon mein se kisi aik nazm ko vote dena hai....Polling ki last date 31st Oct.2006 hai
__________________                  |
|
#2
10-26-2006, 06:48 PM
| |||||
| |||||
Nazm # 1 tum jahan bhi bayth k jatey ho ho jis cheez ko hath lagatey ho main waheen peh baytha rehta hoon us chez ko choota rehta hoon main aisi mohabbat karta hoon tum kaisi mohabbat karti ho tum jis se huns k milti ho main us ko dost banata hoon tum jis rustay par chalti ho main us say aata jata hoon main aisi mohabbat karta hoon tum kaisi mohabbat karti ho tum jin ko daykhti rehti ho wo khuwab....sarhanay rakhta hoon tum say milnay julnay k kitnay hi bahanay rakhta hoon main aisi mohabbat karta hoon tum kaisi mohabbat karti ho Bekhawab sajey Guldano mian ankhon se konpal chunta hon koi lums agar cho jaye tu main pehron is ko ginta hon kuch baatian sunta rehta hon Main aisi mohabt karta hon tum kaisi mohabbat karti ho jin logon main tum rehti ho tum jin say batain karti ho tum jin say huns k milti ho jo tum ko achay lagtay hoon wohi mujh ko achy lagtay hain main aisi mohabbat karta hoon tum kaisi mohabbat karti ho jis bagh main subh ko jati ho jis sabzay par tum chalti ho jo shakh tumhain choo jati hay jo khushboo...tum ko bhati hay wo os tumharay chehray par jo qatra qatra girti hai wo titli chor k phoolon ko jo tum say milnay aati hai jo tum ko choonay aati hay un sab k nazuk jazbon main meray dil ki dharkan basti hai miri rooh bhi shamil rehti hai tum paas raho ya door raho nazron main samai rehti ho main tum ko takta rehta hoon main tum ko sochta rehta hoon main aisi mohabbat karta hoon tum kaisi mohabbat karti ho her moqay par her manzar main main sath tumharay rehta hoon main chashm-e-tasavvur main aksar bus tum ko dekhta rehta hoon bus tum ko sochta rehta hoon main aisi mohabbat karta hoon tum kaisi mohabbat karti ho Nazm # 2  Nazm # 3 Nazm # 7tumhe mujh se mohabbat hai mohabbat ki tabiyat me ye kaisa bachpana qudret ne rakkha hai ke jitni purani jitni bhi mazbuut ho jaye ise taid-e-taazaa ki zarurat phir bhi rehti hai yaqeen ki akhiri hed tak diloon me lehlahati ho nigaaho.n se Tapakatii ho lahuu me jeg magaatii ho hazaro0n tareh se dilkesh haseen hale banati ho isse izhaar ke lafzoon ki hajet phir bhi rehti hai mohabbat mangati hai yoon gavaahi apne hone ki ke jaise tifl-e-sada shaam ko ik beej boye aur sheb me baarha uthe zamin ko khod ker dekhe ke paudhaa ab kahaan tek hai mohabbat ki tabiyat me ajeb tekraar ki Khu hai ke ye iqraar ke lafzoon ko sunne se nahi thakti bichharhne ki gharhi ho ya koyi milne ki sa'at ho ise bas ek hi dhun hai kaho mujh se mohabbat hai kaho mujh se mohabbat hai kuchh aisi besakooni hai vafaa ki serzaminoon me ke jo ehal-e-mohabbat ko sada bechain rakhti hai ke jaise phool me Khushboo ke jaise haath me tara ke jaise shaam kaa tara mohabbat karne valoon ki sahar raatoon me rehti hai gumaoom ki shaakhchoon me aashiyaan banata hai ulfat ka ye ain visaal me bhi hijr ke Khedshoon me rehti hai mohabbat ke musafir zindagi jeb kaat chukte hain thakan ki kirchiaan chunte vafa ki ajarake pehne samay ki rah_guzar ki aakhari serhed pe rukte hain to koyi duubati sasoon ki dori thaam ker dhire se kehta hai ke ye sach hai naa hamari zindagi ik doosare ke naam likhi thi dhundhlakaa saa jo aankhoon ke qareeb-o-duur phaila hai isii ka naam chahhat hai tumhe mujh se mohabbat thi tumhe mujh se mohabbat hai Amjad Islam Amjad Nazm # 4 Muhabbat Dashte Furqat may.. Bena Rukhtey Safar Chaltey Kisi Majzoob Key Dil Say Nikalta Ek Nooha Hay.. Muhabbat Raastoo Key Jaal May Bhatka Huwa Rahi.. Kisi Key Baam Per Thahra Huwa Ek Ajnabi Chahra!! Muhabbat Kuoab Ban Jaye To Taaberain Nahi Milti.. Muhabbat Ek Barish Hay.. Jo Ek Ek Boond Kar Key Tan Say Maan May Jab Utarti Hay... Surilay Saaz Bajtey Hain! Aanookhey Baab Khultey Hain... Muhabbat Karney Waley To Fasilay Jaan Ko Daoo Par Laga Kar Baat Kartey Hain... Wo Kaantoo Ki Zamenoo Per Bhi Nangay Paoon Chaltey Hain Muhabbat Ek Sargooshi Hay... Kisi Fankar Key Hathoon Say Cherta Be Kudhi Ka Raag!! Muhabbat Barishoon Key Musamoon May Yaad Ki Kaya... Muhabbat Jaltey Taptey Raastoon Per Phelta Saya !! Muhabbat Ek Qaza Ban Kar Bhi Aati Hay.. Kayein Loogoon Key Jewan May... Muhabbat Marg-e-Gul Bhi Hay!! Muhabbat Yaas Ki Suraat !! Ek Easi Piyaas Ki Suraat !! Kabhi Jo Bujh Nahi Pati... Muhabbat Ek Uodadi Hay ! Bala Ki Khamooshi Bhi Hay... Muhabbat Musamoon ko Husn Ka Peygham Deyti Hay !! Muhabbat Chahney Waloo Ko Yea Einaam Deyti Hay !! Qaabuliyat Key Darwaazoon Pey Mahekti Ek Duwa Bhi Hay !! Muhabbat Ek Saza Bhi Hay... Muhabbat Pathjharoon Ka Naam !! Muhabbat Ek Sulaagti Shaam...!!! Nazm # 5 Muhabbat zaat hoti hai Muhabbat zaat ki takmeel hoti hai Koi jugle mai jaa thehre kisi basti mai bas jaaye Muhabbat saath hoti hai Muhabbat khushboo-on ki lay Muhabbat mausamo ka dhan Muhabbat aabshaaron ke nikharte paaniyon ka man Muhabbat juglalon mai raqs kert moorti ka tan Muhabbat barf banti sardiyon mai dhoop banti hai Muhabbat chilchiltae garm sehraaon mai thandi chhaon ki manind Muhabbat ajnabi dunia mai apney gaaon ki manind Muhabbat di Muhabbat JaaN Muhabbat rooh ka darmaaN Muhabbat moorti hai Aur kabhi jo dil ke mandir mai kahiN per toot jaaye to Muhabbat kaanch ki gudia Fizaaon mai kisi ke haath se gar chhoot jaye to Muhabbat aabla hai karb ka Aur phoot jaaye to Muhabbat rog hoti hai Muhabbat sog hoti hai Muhabbat shaam hoti hai Muhabbat raat hoti hai Muhabbat jhilmilaati aag mai barsaat hoti hai Muhabbat neend ki rut mai haseeN khaboN ke raste per Sulagte jaan Ko aate ratjagOn ki ghaat hoti hai Muhabbat jeet hoti hai Muhabbat maat hoti hai Muhabbat zaat hoti hai ! nazm # 6 muj se pehle tuje jis shakhs nay chaha us nay.. shayed ab bhi tera gham dil se laga rakha ho.. ik be nam see umeed pe ab bhi shayed... apne khwabon k jazeeron ko saja rakha ho.. main nay mana k wo be gana e paiman e wafa.. kho chuka hay jo kisi aur ki ra,nai main.. shayed ab laut k aaye na teri mefil main.. aur koi dukh na rulaye tuje tanhai main.. main nay mana k shab o roz k hangamon main.. waqat har gham ko bhula deta hay rafta rafta chahe umeed ki shaamein hoon k yadoon k chiragh.. mustaqil bu'ad bujha deta hay rafta rafta.. phir bhi mazi ka khayal aata hay gahay gahay.. mudda'tain dard ki lo kam to kar nahin saktain.. zakhm bhar jain magar dagh to reh jata hay.. dooriyoon se kabhi yaadain to mar nahin saktain.. yeh bhi mumkin hay k ik din wo pasheeman ho kar.. tere pass aaye zamaane se kinara kar lay.. to k masoom bhi hay zood e faramosh bhi hay.. us ki paiman shikni ko bhi gawara kar lay.. aur main jis nay tuje apna maseeha samja.. ik zakhm aur bhi pehle ki tarah seh jawon.. jis pe pehle bhi kai ahd e wafa toote hain... issi dorahe pe chup chap khara rah jawon... Mohabbat bain karti hai mohabbat aahain bharti hai kissi tootay huay dil mein kissi tapkay huay aansoo mein roti hai machalti hai Mohabbat bain karti hai kahin jaaray ki raaton mein diya jub tamtamaye to koi bhoola hua raahi palat k jub naa aaye toR] yunhi dar khula reh jaaye har ik umeed beh jaaye to tarapti hai sisikti hai Mohabbat bain karti hai kissi sehra e dil ki sarzameen chahat ko tarsay to kissi ki aankh sey sawan ki maanind askh barsay to koi naa haq yunhi chahat mein jub qurban ho jaaye to bikharti hai simati hai Mohabbat bain karti hai...!!! Nazm # 8 Muhabbat Oas Ki Surat Piyasi Pankhari K Hoont Ko Sayraab Karti Hay Guloo'n Ki Asteenoo'n Mein Anookhay Rang Bharti Hay Sehar K Jhatpatay mein Gungunaati , MUskuraati , Jagmagati Hay Muhabbat K Dinoo'n Min Dasht BHi Mehsoos HOta Hay Kisi Firdos Ki Surat Muhabbat Oas Ki Surat. Muhabbat Abr Ki Surat Diloo'n Ki Sarzamee'n Pay Ghir K Aati Aor barasti Hay Chaman Ka Zara Zara Jhomta Hay , Muskurata Hay Azal Ki Bay Nmu Mitti Say Sabza Sir Uthaata hay Muhabbat Un KO Bhi Abaad Aor Shadaab Karti hay JO dil Hein Qabr Ki Surat Muhabbat Abr Ki Surat.. Muhabbat Aag KI Surat nigaho'n main utarti hay kisi mahtaab ki soorat sitary aarzoo k iss tarha say jag-magaaty hain K Pehchani Nahin Jaati Dil-e-Baytaab Ki Surat muhabbat k shajar par khwab k phanchi utarty hain toh shaakhain jaag uth'ti hain thak'y haar'y sitary jab zamee'n say baat karty hain toh kab ki muntazir aankho'n main shamm'ain jaag uth'ti hain muhabbat in main jalti hay charagh-e-aab ki soorat Muhabbat ,khwab ki soorat Muhabbat, dard ki soorat guzashta mosamo'n ka istear'ah ban k rehti hay shabaan-e-hijar main,sitarah ban k rehti hay mundairo'n par charagho'n ki lowain jab tar'tarati hain nagar main na-umeedi ki hawain sar'sarati hain gali main jab koi aahat,koi sayah nahi rehta dukhy dil k liye jab koi bhi dhoka nahi rehta ghamo'n k bojh say jab tootny lagty hain shaany to yeh un pay haath rakhti hay kisi Hamdard ki soorat! guzar jaty hain saary qafely jab dil ki basti say feza main tairti hay dair tak yeh gard ki soorat, Muhabbat ,dard ki soorat! Muhabbat ,dard ki soorat! Nazm # 9 MUHABBAT Ki Akhri Nazm Dame rukhsat tapey hue lehje main khamosh rehne wala ankhon tak sulag utha hoga uski sanson main mera dum ruk gaya aur meri hathailiyan dhadkne lagin mera mard poore chand ki tarah mujh per chha gaya woh aag se murattab hai ya mere ang ang main pighalne ki arzoo uske lams main mere khameer ki khushboo kahan se sama gai ke main apni talash main us tak aa punhchi uski ankhon main meri ankhein thin jab use mujhse juda kiya gaya woh darwaze se bahar bhi darwaze ke andar tha aur main darwaze ke andar bhi darwaze se bahar thi Nazm # 10 MOHABBAT khawab jaisi hai ya phir sarab jaisi hai Mohabbat paak dua jaise Mohabbat ho wafa jaise Yeh dil main noor karti hai Kadoorat door karti hai Mohabbat chain deti hai Mohabbat baychain karti hai Mohabbat dostoon ki khushboo Ya ek ghulab jaisi hai Mohabbat khawab jaisi hai Mohabbat dil milati hai Mohabbat hi mnati hai Mohabbat qeemti itni K har ek ko nahin milti Magar jo pa lay is ko tu Ragoon main yeh utarti hai Wo jis ki zindagi ujray Mohabbat se sawarti hai Mohabbat aisa rishta hai Jo humse door baste hain Inhain bhi pass rakhti hai Mohabbat khawab jaisi hai MOHABBAT KHAWAB JAISI HAI ..............!!!! Nazm # 11 Manzaar us ki mohabat ki sabz baarishono main boondo ka khubsoorat jheelono main pariono ki urtee hui urano ka parbatoono main zamzamoono ka koktey huey haseen rang rang ke musamoono main asmaano ka samandaroono mian moongo motiiono ke nayaab jhazeeroono mian mazhar hai us ke husun ka neela neela sunherei ropphela shafaq ka khamosh naram narma nighaoono main shuaaono ka bohat ghira bharpra hui musafa sa chaaya hua kayenaat pe phela hua zameen pe barsata sa garjta sa chamkta hua bheta hua dhoond dmain muskurata hua loobhata hua unchayoono se bhi uncha us ka jahan ghataono se waadiono m ain baal khata gungunata baadloono se kinchi hui lakiroono mian sitarono se likhu hui tehriroonon main us ki malkutee quat ka manzar us ke pyar ka chahatono ka khizana ke chaak girebano main zard patoono pe umanadtee hui surkhee mian ghroob hota hua thanyono main tareeke se tulu hota hua subha ke raanayono se angraiono mian na choom saka na paa saka us ko sadioono se ye asmaan in sub manzaroono ke beech main nazar ata hai khuda hi khuda Nazm # 12 chalo un manzaroon ke ssath chalte hain bohat din ho gaye hain vehshaatoon ki bheerh main humko darakhtoon par hawaein mousamoon ke geet gaati hain, jahan par CHAND!!!! taroon ko liye matti main utra hai, jahan suraj ki kirnain!!!! raat par pehra bithati hain, jahan khamooshion ko!!!! guftagu karne ki aadat hai, jahan se raaste jaate hain anjaani musafat ko, chalo un manzaroon ke saath chalte hain, zara un kashtiyon ko ghaur se dekho!!!! jo patwaroon ki bahoon main!!!! samundar main bichi khamoshioon ka saaz deti hain, humain awaaz deti hain, yahan to guftagu ke saye bhi khamoosh rehte hain, chalo un manzaroon ke saath chalte hain, jahan khamoshioon ko guftagu karne ki aadat hai, bohat din ho gaye hain vehsahtoon ki bheerh main hamko!!!!!!!!!!!!!!! !!! |
|
#3
10-27-2006, 11:56 AM
| |||||
| |||||
voted.......... 1.gif ")1")
__________________  |
|
#4
10-27-2006, 11:59 AM
| |||||
| |||||
boted (byebye) .
__________________  |
|
#5
10-27-2006, 04:56 PM
| |||||
| |||||
voted.............. |
|
#6
10-27-2006, 09:56 PM
| |||||
| |||||
voted..........
__________________  . . Tere is jahaN maiN aye Khuda..woh nahi to lagta hai kuch nahi |
Nazm Competition Month of Oct 2006 Polling 
