Urdu Poetry Forum

**~ HijR ~** · #1 02-06-2008, 09:05 AM

Asalam O Alikum

February mein Nazam contest k leye jo lafz
Chuna Gya hai wo haii

Umeed hAi Aap ko Psand Aaye ga or hamien bOhet Si
achii achii Nazmien paRhnay ko milien Gii

1. Aik member sirf aik hi post karey ga agar aik sey Zyada post hOn
gii tO Aap ki Sabhi post ko contest say delete kar diya jaye ga

2. post karnay Sey Pehlay ye zaroor dekh lien k Aap jo Nazam post
karney Jaa Rahey hain wo Pehlay say kisii member nay post tO
nai kar dii agar Aisa hai tO ap dusri Nazam dhOodien
or usay yahan share karain
mean k same post na karain same post honay ki surat main Pehlay share
ki janay wali post ko hi contets mein Shamil kiya jaye ga

3. kisii b trah ki Discussion allow naii ho gii

Nazam Contest Mein Nazam Hii Share Karien
Otherwise ap ki post delet kar di jay gee

Ap ki khubsurat choices ka intazar rahey ga
Last Date 21st February

[Only registered and activated users can see links. ]

**khan_khan9116** · #2 02-06-2008, 11:32 AM

Tarap raha hai dil-e-bayqaraar kis k liye?
nahi hai khud pay mujhay ikhtayaar kis k liye?

mujhay azeez hain keun intazaar ki gharyan?
pero pero k in aankhon main ashk ki laryan
khuda say ki hai dua baar baar kis k liye?
tarap raha hai dil-e-bayqaraar kis k liye?

rawan hai kaun meray dil ki shahrahon main
chopa chopa k gham-e-dil ko apni aahon main!
kia hai daman-e-dil taar taar kis k liye
tarap raha hai dil-e-bayqaraar kis k liye

liya hai kis k liye dard-e-mustaqil main nay
pila pila k muhabbat ko khon-e-dil main nay
jigar pay khaey hain nashtar hazaar kis k liye
tarap raha hai dil-e-bayqaraar kis k liye

rahi hain kis ki JUDAI main ashk baar aankhain
bicha bicha k sar-e-raah bayqaraar aankhain
khara raha hon sar-e-rahgozar kis k liye
tarap raha hai dil-e-bayqaraar kis k liye

**sana abid** · #3 02-06-2008, 03:23 PM

Woh janti thi magar phir bhi
Woh janti thi k wafaa ka ajar nhi hota
Muhabbaton main sabar ka samar nhi hota
Woh janti thi
Muhabbat dukhon ka sehraa hai
Jahan seraab si khushiyan hain
Aur azaab se ghum
Jahan hai pyaas JUDAI ki betahasha magar
Millan ki barishein hoti hain jis dyar main kam
Woh janti thi
Muhabbat khiraaj mangti hai
Woh jis ko dil ka lahoo de k jagmagaya ho
Andheri rah k liye woh chirag mangti hai
Woh janti thi
Muhabbat woh reguzar hai jahan
Biche hain kaanch JUDAI k beshumaar magar
Brehna-pa hi inhein paar kerna perta hai
Ghumon ki dhoop main ab saibaan koi na ho
Kisi yaad ki chadar ko taan ker khud per
Tammam aahein daba ker guzarna perta hai
Woh janti thi k wafaa ka ajar nhi hota
Mohabbat main sabar ka samar nhi hota
Hijar ki rah main hoti hai betahasha ghutan
Wahan kabhi bhi hawa ka guzar nhi hota
Woh janti thi phir bhi rog le bethi
Kisi k pyar main na jane kyun jog le bethi

**sherdil khan** · #4 02-07-2008, 06:47 AM

Nahin aisay satao tum,
Mujay Tanhai dasti hai,
kahin say lot aoo tum,
Mujay Tanhai dasti hai,
yakin tum ko meyri bathun pe akhir kyun nahin hotha,
meri jan maan jao tum,
Mujay Tanhai dasti hai,
koi dastak koi aahat na koi ghar pe aaya hai,
prindo chechao tum,
Mujay Tanhai dasti hai,
mujay lagtha hai muj ko ab judai maar daalay gi,
k ab to maan jao tum,
Mujay Tanhai dasti hai,
na janey tum kahan per chor aye ho Naseeb us ko,
usey phir ley hi aao tum,
Mujay Tanhai Dasti Hai.[/color][/color]

**Aisha Baig** · #5 02-07-2008, 07:18 AM

shahjees21 · #6 02-07-2008, 07:46 AM

JUDAI

KOI HAI JO TUMHAIN CHOO SAKAI,

KON HAI JO TUMHAIN DEKH SAKAI,

TUM TU MERI SANSOON MAI HOO..!

KHOON KI GARDISH MAI HOO

TUM TU MERI ROOH MAI HOO

AB BAHLA KESAI HOO SAKE GI

JUDAI

[Only registered and activated users can see links. ]

**sabainshaa** · #7 02-07-2008, 11:23 AM

' Judaai '

Kisi ko Alvida kehna bhot takleef deta hay ..
umeedain toot jati hain...!!!

yaqeen pe be_ yaqeeni ka
asar kuch esa charhta hay

Dikhai kuch nahi deta...!!
Sujhai kuch nahi deta..!!

Dua ke lafz hontoon pe
musalsal kapkapatay hain,

Kisi khowahish ke andashay zehan me
doawr jatay hain,

Gumaa_n kuch esa hota hai
ke jaisy mil na payain gay..

Ye gehray zakham furqat ke
kisi se sil na payain gay..

Kabhi esa bhi ho to
ya Rub ' duain mang leta hon !

Tu koi mojza kar day
tu esa kar bhi sakta hai...!!!

Meray hathoon ki jaanib dekh
in_hee tu bhar bhi sakta hay...!!!

Judai ki ye tee_khi dha_aar
diloon ka khoon karti hay,

Judai ki aziyaat se mera dil
ab bhi darta hay...

Judai do ghaari ki ho
to koi dil ko samjhay,

Judai char pal ki ho
to koi dil ko bahlay,

Judai umar bhar ki ho
to kia chara karay koi...

Ke ik milnay ki hasrat me
bhala kab tak jiyay koi...

Mery Moula karam kar day,
tu esa kar bhee sakta hay... !!

Mery hathoon ki jaanib dekh
tu in_hee bhar bhi sakta hay .. !!

**zeename** · #8 02-08-2008, 02:34 PM

Suno..!
Hum toot jaaynge
K doorie seh na paaynge
Judai maar daley gee...

Suno..!
Yeh ankhain bojhal hain
Inhain kis tarah behlaynge
Judai maar daley gee...

Suno..!
Hum so na paaynge
Kabhi khush ho na paaynge
Judai maar daley gee...

Suno..!
Yeh dil tumhara hai
Na tum bin ab guzara hai

Suno..!
Kuch waqt do humko
bana leyn dost iss gham ko
humain maloom hai,
Aakhir!
Judai maar daley gee...

**umair_bantva** · #9 02-09-2008, 10:07 AM

Judayi Denay Walay

Tum Se Ummeed-e-Wafa Kaisi?

Taalluq Toot Jaye Jab

Muhabbat Rooth Jaye Jab

To Phir Rasm-e-Dua Kaisi?

Milan Ki Iltija Kaisi?

Bhanwar Mein Dolti Kashti Pe Sahil Ki Tamanna Kya?

Ukharti Saans Ho To Zindagi Ki Aarzoo b Kya?

Jo Manzil Kho Chuki Hay Uss Ki Phir Se Justujo b Kya?

Raza-e-Dost Par Acha,Sar-e-Tasleem Kham Karna

Sisaknay Se Yehi Behtar Hay Na Ummeed Hi Marna

Tumhein Kiun Shairi Mein Aaj Tak Aabad Rakha Hay?

Abhi Tak Main Ne Kiun Khud Ko Bohat Barbad Rakha Hay?

Hawa k Dosh Par Kiun Naghma-e-Faryad Rakha Hay?

Judayii Denay Walay Aashnayii Ki Qasam Tum Ko

Tumhari BeWafayii Kuj Adayii Ki Qasam Tum Ko

Mujh Ko Itna Bata Dena

Wafa Ki Chahtoon Ki Mashalein Kaisy Bujhatey Hain?

Nishan Kaisy Mitatey Hain?

Bhulana Ho Jinhein

Un Ko Bhala Kaisy Bhulatey Hain?

Judayii Denay Walay.....!

Urdu Poetry Forum

Nazam Contest For the Month of Fabruary 08

Nazam Contest For the Month of Fabruary 08