Urdu Poetry Forum

**THE_QUIET** · #1 02-08-2008, 07:36 AM

Apnay mazi k tasawer se harasan hun main
Apnay guzray hue iyam se nafrat hai muje
Apni bekar tamanaon pe shirminda hun
Apni be-soad umeedon pe nidamat hai muje
Mere Mazi Ko Andhare Main Daba Rehne Do
Mera mazi meri zilat k siwa kuch nahi
Meri umeedon ka hasil' meri kawish ka sila
Aik be-nam azeat k siwa kuch b nahi
Kitni bekar umeedon ka sahar le ker
Main ne iwaan saje thay kisi k khatir
Kitni berabt tamanaon k mubhim khakay
Apne khawabon main basae thay kisi ki khatir
Muj se ab meri mohabbat k fasanay na kaho
Aur wo mast nighain jo muje bhool gain
Main ne un mast nighaon ko sraha hi nahi
Muj ko kehnay do k main aj b jee sakta hun
Ishq nakam sehi ' Zindagi nakam nahi
Unko apnane ki khawish' unhain panay ki talab
Shoq bekar sehi' sai'i-e-ghum injaam nahi
Wohi gasuu' wohi narain' wohi ariz' wohi jism
Main jo chahon to muje aur b mil saktay hain
Wo kanwal jin ko kabi un k lie khilna tha
Un ki nazron se boht dur b khil saktay hain...!