Urdu Poetry Forum

Tum Mujhey Jo Bhaaney Lagey
Tumhaarey Khayaal
Mujhey Raatoon Ko Jaganey Lagey
Meri Nigahein
Rangeen Khaab Sajaney Lageen
Terey Wujood Ki Mehek
Merey Ehsaas Mein Samanay Lagi
Aur Phir Jab Teri Yaad
Pal Pal Mujhey Sataney Lagi
Tarpaaney Lagi
Behkaaney Lagi
To Yeh Jana
Kay Mein Tujhey Chahney Laga Hoon....
Tum Ko Chaha Mein Ney
Tum Ko Pooja Bhi
Tumhein Itna Chaha
Kay Merey Ehsaas Ney
Alfaaz Dhoond Liye!
Tum Se Izhaar Hua
Aur Meri Chahat Nay
Pehla Qadam Barhaya
Ji Utha Tha Us Din Mein
Teri Us Haan Kay Bal Par...!
Phir Silsila Barhta Raha
Aur Waqt Bhi Chalta Raha...

Meri Jeenay Ki Wahid Aas Tum Theen
Meri Chah Theen, Mera Maan Theen
Mera Sukh, Mera Dukh
Meri Khushi, Mera Gham
Mera Hasna, Mera Rona
Mera Jaagna, Mera Sona
Mera Jhoomna Aur Gana
Woh Tum Se Baatein Karna
Aur Takhaiiul Mein Muskurana...

Mera Sab Kuch Tum Hi To Theen...
Magar Aaj Tumhaari Baatoon Nay!
Jaise Mujh Se Sab Kuch Cheen Lia Hai...!
Manzil Kay Is Qadar Qareeb Aa Kar
Teri Ana Ki Deewaarein
Merey Raastey Mein Hayal Hain!

Toot Gaya Hoon, Bikhar Gaya Hoon
Yak Dam Tanha Sa Ho Gaya Hoon
Buhat Ghamzada Sa Ho Gaya Hoon
Aik Khof Kay Gherey Mein Hoon
Soochta Hoon To Kuch Sujhaai Nahi Deta
Teri Surat Kay Siwa Kuch Dikhaai Nahi Deta
Aisa Lagta Hai Kay,
Tu Mujh Se Bicharnay Waali Hai
Ab Nikli Kay Tab Nikli,
Bas Jaan Nikalney Waali Hai...

Kaise Laroon Mein Zamaney Bhar Se?
Kaise Ho Jaaoon Mein Surkhuru Aakhir?
Kaise Bachta Phiroon Dunya Ki Tursh Baatoon Se?
Kaise Seh Jaoon Mein Yeh Dard Aakhir?
Kaise Ban Jaoon Mein Patthar Aakhir?
Kaise Cheen Loon Tujh Ko Zamanay Waloon Se?
Kay Aaj Meri Apni Zaat
Merey Bas Mein Nahi!
Ab Tu Hi Bata
Kaise Paa Loon Mein Tujh Ko?
Kay Jab Mein Apna Aap Hi Kho Betha Hoon...!
Aur Mujh Se Mera Aap Cheen Leney Wala
Koi Aur Nahi
Tum Hi To Ho...!
Haan...
Tum Hi!
Jo Kabhi Mera Sab Kuch Theen...
Aur Aaj Bhi Ho...
Mujh Se Mera Aap Cheen Kar Bhi!
Tum Hi To Ho Mera Sab Kuch...

Tum Hi To Ho Mera Sab Kuch...... Bohat Khoob

Aik Din Chaltey Chaltey
Darya Kay Kinaarey Par
Mujhey Aik Aawaaz Jo Aai
Thitak Kar Ruk Gaya Yuk Dam!
Phir Mein Ney Jo Poocha
Kay Kis Ney Pukara Hai?
Aik Aawaaz Phir Aai...
Mein Khuahish Ka Darya Hoon
Jo Bhi Merey Paas Aayaa
Us Ney Apney Mann Ki Har Muraad Paaii
Tu Bhi Agar Kuch Maangna Chahey
To Mujh Ko Bayaan Kar
Kuch Der Mein Ney Soocha...
Phir Yun Bayaan Kia...
Kia Jo Bhi Maangoonga, Tu De Sakey Ga Woh?
Wohi Aawaaz Phir Aai
Tu Maang Kar To Dekh
Terey Dil Ki Khuahish Se
Tera Daman Mein Bhar Doonga...
Phir Mein Bola Sun, Zara Ghour Se Tu Sun
Merey Dil Ki Hai Jo Khahish
Mein Bayaan Karta Hoon
Aaj Mein Tujh Se
Muhabbat Ki Faryaad Karta Hoon...!
Kuch Der Ko Khamooshi Cha Gai
Darya Kay Paani Mein
Phir Aik Halchal Si Mach Gai
Phir Mei Ney Poocha Kia Hua?
Kiun Bolta Nahi?
Kuch Der Kay Baad
Wohi Aawaaz Phir Aai
Teri Is Khuahish Ko, Mein Poora Kar Nahi Sakta
Muhabbat Maangta Hai Tu, Muhabbat Dey Nahi Sakta
Muhabbat Hoti Jo Merey Paas
To Mein Yun To Nna Hota...
Meri Qad-O-Qamat Lehrein
Yun Patharoon Se Na Takraateen...!
Mujh Mein Aisi Halchal To Na Hoti...
Bara Hi Badnaseeb Hai Tu!
Jo Muhabbat Kay Waastey Is Jungle Mein Aayaa Hai
Tu Kia Samajhta Hai
Kay In Paharoon Mein
Muhabbat Mil Jaayegi Tujh Ko?
Aray Is Se To Acha Hai
Na Kar Khuahish Muhabbat Ki
Aur Agar Meri Baat Maan
To Tu Lot Ja Yahaan Se
Lot Ja Aey Shakhs
Tu Lot Ja...
Lot Ja...

__________________
Dhoonday Say Bhi Milta Nahi Hai Ub Mazaar Mera
Ansoo Bahaanay Waalee Jaanay Kidher Gayee
Dekha Sabhi Ko Rotay Fahad Kay Shehr Men
Woh Muskarane Waalee Jaanay Kidher Gayee

Jaatey Jaatey Bas Aik Ehsaan Kar Do
Agar Kuch Kar Sako To Bas Itna Kar Do
Woh Sab Kuch Jo Mera Apna Tha
Woh Sab Kuch Jo Mera Sapna Tha
Ho Sakey To, Woh Mujhey Lota Do....

Mera Ishq Mujhey Lota Do,
Mera Pyaar Mujhey Lota Do
Mera Junoon Mujhey Lota Do,
Meri Chah Mujhey Lota Do
Mera Ghuroor Mujhey Lota Do,
Mera Maan Mujhey Lota Do
Merey Sab Sapney Mujhey Lota Do,
Merey Armaan Mujhey Lota Do
Meri Khuahishein Mujhey Lota Do,
Meri Hasratein Mujhey Lota Do
Meri Ummeed Mujhey Lota Do,
Meri Har Aas Mujhey Lota Do
Meri Sab Dharkanein Lota Do,
Meri Har Saans Mujhey Lota Do
Mera Nikhaar Mujhey Lota Do,
Wo Har Bahaar Mujhey Lota Do
Mera Har Gham Mujhey Lota Do,
Mera Har Dard Mujhey Lota Do
Mera Wujood Mujhey Lota Do,
Mera Ehsaas Mujhey Lota Do
Merey Jazbaat Mujhey Lota Do,
Mera Ikhlaas Mujhey Lota Do
Mera Har Din Mujhey Lota Do,
Meri Har Raat Mujhey Lota Do
Mera Sukoon Mujhey Lota Do,
Mera Sukh Chain Mujhey Lota Do
Merey Khayaal Mujhey Lota Do,
Merey Sab Khaab Mujhey Lota Do

Tarap Tarap Kay Jo Guzra Hai Hijr Mein Terey
Woh Har Lamha-E-Aazaar Mujhey Lota Do
Jo Terey Bin Buhat Be Rang Hua Kartey They
Woh Saarey Mosam-O-Tehwaar Mujhey Lota Do


Khamooshiaan, Sargooshiaan
Tanhaaiaan, Parchaaiaan
Udaasiaan, Veeraaniaan
Khamooshiaan, Madhooshiaan
Aah-O-Baka Aur Siskiaan
Dil Mein Hein Bas Aazaariaan
Be Basi Aur Be Kasi
Ranj-O-Malaal Aur Be Hisi
Bas Ik Kasak Aur Be Khudi
Yeh Hein Meri Aasaaishein....
Inhein Aa Kay Mujh Se Cheen Lo
Aur Mujh Ko Woh Sab Lota Do

Woh Sab Jo Kabhi Mera Tha
Woh Sab Jo Aaj Tera Hai

Mera Aaghaaz Mujhey Lota Do
Mera Anjaam Mujhey Lota Do
Meri Har Baat Mujhey Lota Do
Bas Meri Zaat Mujhey Lota Do...
Woh Sab Kuch Jo Kabhi Mera Tha
Woh Sab Kuch Jo Aaj Tera Hai
Woh Sab Lota Do
Haan Mujhey Lota Do...

__________________
Dhoonday Say Bhi Milta Nahi Hai Ub Mazaar Mera
Ansoo Bahaanay Waalee Jaanay Kidher Gayee
Dekha Sabhi Ko Rotay Fahad Kay Shehr Men
Woh Muskarane Waalee Jaanay Kidher Gayee

Ham Tum Juda Ho Jaaeingey
Bas Chah Hi Reh Jaayegi...
Faasley Barh Jaaeingey
Manzilein Kho Jaaeingi
Waqt To Chalta Rahega
Nabz Yeh, Tham Jaayegi...
Khatm Ho Jaaeingi Sab Wo
Pyaar Ki Barsaatein Bhi
Tashna Laboon Ko Bas Faqat
Pyaas Hi Reh Jaayegi...
Ji To Loonga Mein Bhi
Ji To Lo Gay Tum Bhi
Aik Zara Yeh Zindagi Bas
Khaab Si Reh Jaayegi...
Takta Rahoonga Mein Tumhein
Jaatey Huye Apney Se Door
Phir Tum Chaley Jao Gey
Aur Bas Khaak Hi Reh Jaaayegi...
Dil Ki Har Pukaar Dam Tor Degi
Aur Merey Laboon Pay Sirf Ik
Aah Hi Reh Jaayegi...
Tanhaaiaan Reh Jaaeingi
Veeraaniaan Reh Jaaeingi
Zindagi Se Jo Theen Mujh Ko
Wo Khuaahishain Reh Jaaeingi...
Muskurahatein Kho Jaaeingi
Udaasiaan Reh Jaaeingi
Dil Kay Dharaknay Kay Liye
Aik Kasak Reh Jaayegi...
Tum To Na Ho Gay Magar
Bas Yaad Hi Reh Jaayegi.

__________________
Dhoonday Say Bhi Milta Nahi Hai Ub Mazaar Mera
Ansoo Bahaanay Waalee Jaanay Kidher Gayee
Dekha Sabhi Ko Rotay Fahad Kay Shehr Men
Woh Muskarane Waalee Jaanay Kidher Gayee

Khoob...........

Bohat Khoob
*********

__________________