Urdu Poetry Forum

haN gunehgar hooN mein,

jo sazaa chaahe adaalat de de,

aap ke saamne sarkaar hooN mein,

mujh ko iqraar ki maine ek diin,

khud ko niilaam kiiyaa,aur raazii-berjaa,

ser-e-baazaar,ser-e-aam kiiyaa,

mujh ko kiimat bhii bohot khoob miilii thee lekiin,

maine saude me khayaanat kar lii...yani,

kuch khwab bachaa kar rakhye,

maine sochaa thaa,

kiise fursat hai, jo merii ruh mere diil kii talaashii legaa,

maine sochaa thaa,

kise hogii khabar, kiitnaa naadaan thaa mein,

khwab chup sakte hai kya?

raushnii muthhii me rook saktii hai kya?

woh jo honaa thaa, huaa...

aap ke saamne sarkar hooN mein,

jo chahe sazaa adaalat de de,

faisla soon ne ko tayyaar hooN mein,

haaN gunehgaar hooN mein...

faisla yeh hai adaalat kaa,

tere saare khwab aaj se tere nahii hai mujriim,

zehen ke saare safer,aur tere diil kii perwaaz,

jism me behete lahoo ke nagme,

ruh kaa saaz,sanaa-at aawaaz,

aaj se tere nahii hai mujriim,

vasl kii sari hadisyeN,gham-e-hijra ki kitab,

terii yaadoN ke gulaab,tere ehsaas,

terii fikr-o-nazar,terii sab saa-ateN,

sab lamhe tere,roz-o-shabb,sham-o-seher,

aaj se tere nahii hai mujriim,

yeh insaaf hua tere khariid-daaroN se...

by javed akhtar

nice poetry...........

achi nazam hai.......

__________________

bohat achi poetry ...........