Urdu Poetry Forum

thakay maanday bohat ho
safer ki dhool se palkain ati hain
thakan se choor khamoshi main sehraa goonjtay hain
tum ab ki baar kitni dair se paltay
gaye thay jab to kaliyan jaagnay ko thin
sabhi shakhon pe halka sa boor aaya tha
phir us k baad pat ghar thi
bohat se chaand bughnay tak sawad-e-hijer phaila tha
mujhay maaloom hay pindaar k qaid khanay main
tumhara dam ulajhta hay
tumhari khoj ka sarkash samander
roz-o-shab k tinginaye main atakta hay
to tum to rusta-e-sahil dhoondnay bahir nikaltay ho
main aisi hijraton k kerb se waqif rahi hoon
jazeerah der jazeerah phailti la hasily mairay bhi qadmon main rachi hay
her ik sahil pe be kel justuju kal justuju ka ik naya sahil bulata hay
mager phir nazar aati haqeeqat se haqeeqat tak
badan k wahmo(N) se aik na deedah khuda tak
zindagi ki asal ko kis nay chua hay?
koi kab naap paya fasilah jismo(n) se jismo(n) ka
azal se oonghti roohon se roohon ka
khaber tak ho nahin paati
kahan? kaisay?
hamari jagti aankhon ki dunya se hayolon tak
phisaltay manzaron ki bastiyaan 'basti ujarti hain
har ik manzer shinasaai main dhalnay se bohat pehlay
fana ki ghataiyon main jaa uterta hai
yahan her shay guraizan hay
takhayyul ' aankh ' khushbu
lims ki gul rang sa'at tak guraizan hay
khala jaisay jazeeron se safer wapis palatnay ka
teh gerdaab hota hay
so main chokhat pay aankhon k diye rakhay
tum hari rah takti hoon
k tum lambay safer se khasta jaan aao
to dastak ki aziyat se to bach jao
Idher baitho
yahan aangan main phaili bail k saaye main dam lay lo
''yahan se aasman daikho''
Khudaa-e- lam yazal ki is zamee(n) per
ham kisi bhi ant ko choo lain
yeh do qadmo(n) talay phali zamee(n)
aankh bher ka aasmaa(n) hi apna wirsah hay
hamari zindagi sab ibtidaon intihaaon main
unhi do mantaqon main qaid rehti hay
so tum agli musafet tak
yaheen per
apnay hissay ki zamee(n) main phool bo daikho!!

__________________
THere Are Often 2 People Inside our Bodies, One waiting 2 Trust ThE OTHer
AFraid

so tum agli musafet tak
yaheen per
apnay hissay ki zamee(n) main phool bo daikho!!

buhat khobsurat :clap6

__________________

sab se pahlay hum aap ko Hg pe khushaamdeed kahtay hain....
khoobsoooooooooooooo ooorat..........baho t hi umdah 3 aur ka intezaar rahega...........aga r shair/shairah ka naam pata ho tou zaroor bataiyega

__________________