Urdu Poetry Forum

Bhool
buhat hi aam se hum thay
buhat hi aam tha rishta
buhat se aam chehron mein
ankookhi khaas ankhien wuh
keh jin mien aam si rungut ka daira tha
mager kuch khaas tha aisa
ju aksur main samjhti thi
jisay wuh aam kehta tha
"yeh wuh ehsaas hai ju hur gali koochay mein basta hai
jisay tum khaas samjhi ho
wuh jana aam hi tao hai
chahey munzil badulty hoon
ya phir dushwaar rastay hoon
chahey wuh heer ranjha hoon
ya raani ho ik raja ki
shoroh qisa jahaan se ho
wahein pe kahtum hota hai
jisay tum khaas samjhi ho
wuh jana aam hi tao hai
kisi ki surmageen ankhien'
udasi jin pe galib ho
kisi ki khwaab si ankhien
khumaar jin pe tari ho
kahien raatien nahi kut'tien
kahien shamien nahi dhultien
ajub si wehshatien hur soo
jisay tum khaas samjhi ho
wuh jana aam hi tao hai
"Mujeh tum yaad aatay ho
tum mujh se pyar kertay ho"
yeh sub alfaaz' sub jumlay
yeh ehsaas' sub jazbay
jisay tum khaas samjhi ho
yeh jana aam hi tao hai "
hur ik khaas jazbay ko
buhat hi aam kehta tha
buhat pagal sa lerka tha
ju haayil hijur hai hum mien
tao wuh ub mujh se kehta hai
buhat hi khaas tha rishta
jisay main aam kehta tha..
aur ub main kuch nahi kehti
keh ju rishta humara tha
wuh Jana aam hi tao Tha