Urdu Poetry Forum

Ajab Pagal C lerki hai



Mujhay her khat main likhti hai

"Mujhay tum yaad kertay ho?

Tumhain main yaad aati hooN"

meri baatain sata-ti hain

meri neendain jagati hain

meri aankhain rulaati hain

december ke sunehri dhoop main abb b teheltay ho?

kisi khamosh rastay se

koi awaaz aati hai?

TheTharti sard raatoN main

tum abb b chatt pe jaatay ho?

falak k sab sitarooN ko

meri baatain sunatay ho?

kitabuN se tumaray ishq main koi kammi aai?

ya mairi yaad ke shiddat se aankhoN main nammi aai?

Ajab pagal c lerki hai

mujhay her khat main likhti hai....
Jawaban uss ko likhta huN....

meri masroofiyat daikho subah se shaam office main

chirag-i-umer jalta hai

phir uss k baad duniya ki

kaee majbooriyan paooN main bairi daal rakhti hain

mujhay bay-fikr, chahat se bharay sapnay nahin dikhtay

T'ehelnay, jagnay,, ronay ki mohlat hee nahin milti

sitarooN se millay arsa hua.....naraz huN shayad

kitabooN se shagaff mera abhi waisay he qaim hai

ferq itna perra hai abb unahin arsay main perhta hooN

tumhain kis ne kaha pagli tumain main yaad kerta hooN

k main khud ko bhulanay ki musalsal justajoo main hooN

tumain na yaad aanay ki musalsal justajoo main hooN

mager yeh justajoo meri bohat nakaam rehti hai

meray din raat main abb bhee tumari shaam rehti hai

meray lafzooN ki her maala tumharay naam rehti hai

tumhain kis ne kaha pagli tumhain main yaad kerta hooN

purani baat hai jo log akser gungunatay hain

unhain hamm yaad kertay hain jinahin hamm bhool jatay hain

ajab pagal c lerki ho

meri masroofiyat daikho

tumain dil se bhulaoN tu tumari yaad aai na

tumain dil se bulanay kee mujhay fursat nahi milti

aur iss masroof jeewan main

tumahray khat ka ikk jumla

"tumain main yaad aati hooN ?"

meri chahat ki shiddat main kami honay nahi daita

bohat raatain jagata hai mujhay sonay nahi daita

so agli baar apnay khat main yeh jumla nahi likhna

ajab pagal c lerki hai mujhay phir b yehi likhti hai

mujhay tum yaad kertay ho tumhain main yaad ati

__________________

KamaL haY bohoT umdaaaaA

very nice............

nice

__________________

great............... .........

__________________

__________________

__________________

Good................ ..........

__________________