Mai kitni wariftigi say usay suna raha tha
Wo sari batain wo saray qissay
Jo us say milnay say baishtar
Meri zindagi ki hakaitain theen
Mai keh raha tha
K aur bhi log thay
Jinhay meri arzoo thi meri talab thi
K jinsay meri muhabbatoon ka raha tal-luq
K jin ki mujh par enayatain theen
Mai keh raha tha
K un may kuch ko to mainay
Jaan say aziz jana
Magar unhi may say baaz ko
Meri baydili say shikayatain theen
Main aik aik baat
Aik aik jurm ki kahani
Dharaktay dil kamptay badan say suna raha tha
Magar wo pat-thar bani
Mujhay is tarah say sunti rahi
K jaisay meray laboon par
Kisi muqaddas tareen' sahifay ki ayatain theen
Ahmed Faraz