 ** Pehla Hissa - Aqeedat ** | |
Main kitni waraftagi se usey suna raha tha
Who saari batein, who saare qissey
Jo us se milne se pesh tar
Meri zindagi ki hikayatain theen
Main keh raha tha ke aur bhi log they
Jinhe meri aarzoo, meri talab thi
Ke jin se meri muhabbaton ka raha taaluq
Ke jin ki mujh pe inayatein theen
Main keh raha tha
Ke un mein kuch ko to main ne
Jaan se bhi azeez jana
Magar unhi mein se ba'az ko
Meri be dili se shikayatein theen
Main eik eik baat, eik eik jurm ki kahani
Dharakte dil, kaanpte badan se suna raha tha
Magar who pathar bani
Mujhe is tarah se sunti rahi
Ke jaise mere labon per
Kisi muqaddas saheefaey ki aaytein theen………….. |