wohi taqrar lafzon ki
wohi andeshay furqat k
wohi anjaan si dastak
wohi har baat pe ranjish
wohi har baat pe ladna
wohi apni kitabon main
gulabi titliyan rakhna
wohi bema'ni baton main
hamara zikr le aana
wohi muskan dheemi si
wohi kuch bolti aankhen
wohi chup chap sa lehja
wohi bechain si hulchul
wohi yaaron se qatrana
wohi kehne se kuch darna
wohi saaye se ghabrana
sabhi aksar ye kehte hain
usay mujh se mohabbat hai
__________________