 Bahar Ayee | |
Bahar aayee
to jaisey aik baar laut aaye hain phir adam se
woh khaab sarey, shabaab sarey
jo terey honton pe mar mittey they
jo mit ke har baar phir jiye they
nikher gaye hain gulab sarey
jo teri yadon se mushkboo hain
jo terey ushak ka lahoo hain
bahaar aayee
ubal parey hain azaab sarey
malaal-e-ihbay-e-doastaan bhi
tumharey aaghosh-e-mehvashaan bhi
ghubar-e-khatir ke baab sarey
tirey humarey sawaal sarey, jawaab sarey
bahaar aayee
to khul gaye hain
neye sirrey se hisaab sarey
bahaar aayee
__________________
******************** *****************
do chaar lafz keh ke main khamosh ho gaya
wo muskura ke bole bohat bolte ho tum
|