 Khush-Gawar Mosam Main | |
Khush-Gawar Mosam Main
Un-Ginaat Tamashaii
Apni Apni Teamon ko
Daad Dainay Atey Hain
Apnay Apnay Pyaaroon ka
Hosla Berhatey Hain
Main Alag Thalag Sab Se
Barhwaan(12) Khilaari ko
Hoot kerta Rehta Hon
Barhwaan(12) khilaari Bhe
Kia Ajab Khilaari Hai
Khail Hota Rehta Hai
Shoor Machta Rehta Hai
Daad Parti Rehti Hai
Or Wo Alag Sab Se
Intizar Kerta Hai
Aik Aisi Sa'at ka
Aik Aisay Lamhay ka
Jis Main Saanihaa Ho Jaye
Phir WO Khailnay Niklay
Taliyoun k Jhormout Main
Aik jomla-e-khoshkun
Aik Naara-e-Tehseen
Os k Naam Ho Jaye
Sab Khilariyoun k Saath WO Bhe Motaber Ho Jaye
Per Ye Kum He Hota Hai
Phir Bhe Loog Kehtay Hain
Khail Se Khilaari Ka
Umer Bher ka Rishta Hai
Umer Bher ka Yeh Rishta
Chhooht Bhe To Sakta Hai
Akhari Visel k Saath
Doob Janay Wala Dil
Toot Bhe To Sakta Hai
Tum Bhi Iftikhar Arif
Barhwaan(12) Khilaari Ho
Intizar Kertay Ho
Aik Aise Lamhay ka
Aik Aisi Sa'at ka
Jis Main Hadsa Ho Jaye
Jis Main Saaniha Ho Jaye
Tum Bhe Iftikhar Arif
Tum Bhi Doob Jao Gaye
Tum Bhe Toot Jao Gaye |