Mohabbat khud batatii hai
kahan kis ka thikana hai
kise aankhon mein rakhna hai
kise dil mein basana hai
reha kerna hai kis ko aor
kise zanjeer kerna hai
mitana hai kise dil se
kise tehreer kerna hai
ghironda kab girana hai
kahan taameer kerna hai
issay maaloom hota hai safar dushwaar kitna hai
kisii kii chashm-e-geriya mein chupa iqraar kitna hai
shajar jo girne wala hai woh saayaadaar kitna hai
safar kii har saoubat aor timazat yaad rakhtii hai
jise saare bhula daalein
Mohabbat yaad rakhtii hai ...!

__________________
Jo Baatein Keh Nahii Sakta
Unhein Main Farz Kerta Hoon
Chalo Main Farz Kerta Hoon
Mujhe Tum se Mohabbat Hai ... !