 Undesha....by Amjad I.Amjad | |
Zaroori Nahi Hay
Zaroori Nahi Hay Jo Sahil Ki Geeli Khunk Rait Per
Haath May Haath Dayker
Safar Aur Talatum K Qissay Suna_ay
JazeerooN' HawaooN Aur Un_dekhay Mausam
Aur AnkhooN Say Ojhal KinarooN Pay Bikhray
Ho_ay ManzarooN 'ZaiqooN Aur RungooN Ki BataiN Keray
Woh In WardatooN Say Guzra Bhi Ho.
Gar Kehay' Aao Hum In Pareeshan MojooN Ka Peecha Kerain
Jo Tery Aur Mery PaooN Ko Choomti HaiN
Talatum Ki Be_naam Manzil Say Guzrain
Yeh Dekhain HawaiN Kisay Dhoondti Hain
To Chalnay Say Pehlay Zara Souch Lena
Zaroori Nahi Hay Jo Un_dekhay RustooN Ki KhabraiN Suna_ay
Woh In RastooN Ka Shinasa Bhi Ho
KaheeN Yeh Na Ho Jab Samandar May Tum Usko Dhoondo Tou Woh
SahilooN Pay Kharra Muskurata Rahay............... ...........
By Amjad Islam Amjad |