Husn-e-jaana ki tareef mumkin nahi
Afreen afreen
Afreen afreen
Tu bhi dekhe agar to kahe hum-nashi
Afreen afreen
Afreen afreen

Aisaa dekha nahi khubsoorat koi
Jism jaise Ajanta ki murat koi
Jism jaise nigahon pe jadoo koi
Jism nagma koi, jism khusboo koi
Jism jaise machalti hui raagini
Jism jaise mehakti hui chandni
Jism jaise hai khilta hua ek chaman
Jism jaise hai suraj ki pehli kiran
Jism tarsha hua, dilkash-o-dilnashi
Sandali sandali
Marmari marmari


Afreen afreen
Afreen afreen
Aankhen dekhi to main dekhta reh gaya
Jaam do aur dono hi do aatisha
Aankhen ya maikade ke woh do baab hain
Aankhen unko kahoon, ya kahoon khwaab hai
Aankhen neechi hui to hayaa ban gayi
Aankhen oonchi hui to dua ban gayi
Aankhen uth kar jukhi to adaa ban gayi
Aankhen jhuk kar uthi to qazaa ban gayi
Aankhen jin mein hain qaid aasmaan-o-zamin
Nargisi nargisi
Surmayi surmayi

Afreen afreen
Afreen afreen

Chehra ik phool ki tarah shadaab hai
Chehra us ka hai ya koi mehtaab hai
Chehra jaisay ghazal chehra jaan-e-ghazal
Chehra jaisay kali chehra jaisay kanwal
Chehra jaisay tasavur bhi tasveer bhi
Chehra ik khwab bhi chehra tabeer bhi
Chehra bolay alif lailvi daastaan
Chehra ik pal yaqeen chehra ik pal gumaan
Chehra jaisa k chehra kahin bhi nahi
Maahroo maahroo
Mehjabeen mehjabeen

Afreen afreen
Afreen afreen

Zulf-e-janaa ki bhi lambi hai daastaan
Zulf ki mere dil per hain perchaaiyan
Zulf jaisay umdi hui ho ghatta
Zulf jaisay k ho koi kaali balaa
Zulf uljhay to duniya pareshan ho
Zulf suljhay to yeh zeest asaan ho
Zulf bikhray siyaah raat chhaanay lagay
Zulf lehraaey to raat anay lagay
Zulf zanjeer hai phir b kitni haseen
Raishmi raishmi
Ambari ambari

Afreen afreen
Afreen afreen