KHAWAB KHAWAB HOTAY HAIN
khawab khawab hotay hain
khawab k musafir ko
zindagi ki rahoon main
bey chiragh ratoon sy
aik chiragh milta hy
is chiragh ki loo main
khawahishoon ki tasvirain
raqs karti rahti hain
hath ki lakiroon main
bey sabat tahrirain
aankh k jaziray main
dil ki aik dunya hy
jis ki band muthi main
chahaton ka hira hy
darmiyan main dill k
aik khula samandar hy
or is samandar ki
sans lyti lahroon main
zindagi k rishtay hain
bey panah qurbat hy
lazawal tanhai
tum bhi is samandar ki
sans lyti lahroon main
apny milny waloon sy
muskura k milti ho
jadoi tabassum sy
gull khilati rahti ho
main isi samandar k
dosray kinaray par
door hoti lahroon ko
zakham khorda ankhon sy
sar jhukay ginta hoon
door hoti lahroon main
khawab k musafir k
khawab ki thakan ki lay
gonjti hi rahti hy
door hoti lahroon ko
apny apny halqay main
dykhta hi rahta hoon
aik silsila dil ka
jo kahin nahi milta
aik zakham hy dil ka
jo kabhi nahi silta