KHAALI SUMANDAR
Usay Phir Loat kar Jana Hay
Yeh Maloom Tha Us waqt Bhi
Jab Shaam Ki Surakh-o-Sonehri Raet Par
Who Doorti Ei Thi
Or Lehra Kar Younh Agoosh Mein Bikhri Thi
Jesay pura Ka Pura Sumandar Lay Kay Ubhri Hay
Usay jana Hay Who Bhi Janti to Thi
Magar Har Raat Phir Bhi Haath Rakh Kar
Chaand Par Khatay Rahay Qasmein
Na Main UtronGa Us Saanson Kay Sahil Say
Na Who Utray Gi Meray Aasmaa’n Par
Jhooltay Taron Ki Peengon Say
Magar Jab Kehtay Kehtay Daasta’n
Phir Waqt Nay Lambhi Chamhaai
Na Who Thehri Na Main Hi Roak Paya tha
Bohat Phoonka Sulagtay Chaand Ko
Phir Bhi Usay Ek Ek Lamha Ghat’tay Huye Dekha
Bohat Kheencha Sumandar Ko
Magar Sahil Talak Hum La Nahi Paye
Sehar Kay Waqt, Phir Utray Huye Sahil Pay Ek
Dooba Hua Khaali Sumandar Tha