Agar kabhi meri yaad ayee..
tu chandni ratoon ki narm dilgeer rooshni main
kisi sitaray koo dekh leena
agar woo nakhl-e-falak say utar kar
tumharay qadmoon main aa giray
Tu yee jaan leena Woo istiara tha meray dil ka
agar na ayee.....
magar yee mumkin hee kis tarha
kay tum kisi par nighah daloo tu us ki diwar-e-jaan na tootay
woo na bhool jayee(wo apni hastii na bhool jaue)
agar kabhi meri yaad ayee
Tu gureez karti hawa lahroon pay hath rakhna
main khushboyoon main kaheen miloon ga
mujhay gulaboon ki patiyoon main talash karna
main ooos katroon kay ainoon main tumhain miloon ga
agar sitaroon main ooos katroon main
khushboyoon main na paoo mujh koo
tu apnay qadmoon main dekh leena
main gard hooti musafatoon main tumhain miloon ga
kaheen pay rooshan chirag dekhoo tu jaan leena
kay her patangay kay sath main bhi bikhar chuka hoon
tum apnay hathoon say un patangoon ki khaak darya main daal deena
main khaak ban kar samandaroon main safar karoon ga
kisi nadeekhay hoyee jazeeray pay ruk kar tum koo sadayeen doon ga
samandaroon kay safar pay nikloo tu us jazeeray pay bhi guzarna

__________________
Sara Shaher Hua Tha Jis k Jaanazay Main Shareek...
Tanhaiiyun k Khoof Se Wo Shaks Mar Gaya....