Asalam O Alikum 
Aj Nazam contest ki POlling start honay ja raye haii
Ap ko jo Nazam zada pasand aay usay Vote karain
Aik member sirf aik hi vote kar sakta haii
apnay post kiyay howay nazam ko Ap vote nai kar saktay 
Nazam # 1 Merey Humsafar Bersoon Ki Soch main sochoon to Kuch Perchahiyaan Kuch Pachtaway Merey Humsafar Hain Bersoon Ki Chahat Ko Lamhoon Main Sochoon To Kuch Aansoo kuch Shikway Mery Humsafar Hain Bersoon Ki Rafaaqat Ko Lamhoon Main Sochoon To Kuch Nafratain Kuch Fasle Merey Humsafar Hain Bersoon Ki Dosti Ko Lamhoon Main Sochoon Ko Kuch Kirchiyaan Kuch Zakhm Merey Humsafar Hain Bersoon Ki Mohabaat Ko Lamhoon Main Sochoon To ik Kho-khala Dil Kuch Murda Jazbaat Merey Humsafar Hain 
Nazam # 2 "Mere humsafar, tujhey kya khabar" Mere humsafar, tujhey kya khabar Yeh jo waqt hai kisi dhoop chaon ke khail sa Isey daikhtey, isey jhailtey Meri ankh gard se att gai Mere khuwab rait mai kho gaye Mere hath barf se ho gaye Mere bekhabar tere naam per Wo jo phool khilte they hont per Wo jo deep jalte the baam per, Wo nahi rahey Wo nahi rahey K jo aik rabt tha darmayan wo bikhargaya Wo hawa chali Wo kisi sham aise hawa chali Ke jo barg the sar-e-shakhe Jan, wo gira diye Wo jo harf darj the rait per, wo ura diye Wo jo raaston ka yakeen thay Wo jo manzilon k ameen thay Wo nishan-e-pa bhi mita diye! Mere humsafar, hai wohi safar Magar aik moor k farq se Tere hath se maire hath tak Wo jo hath bhar ka tha fasla Kai mosamon mai badal gaya Usey naptey, Usey katatey Mera sara waqt nikal gaya Tu maire safar ka shareek tha Mein tere safar ka shareek thi Per jo darmayan se nikal gaya Usi fasley k shumar mai Usi be yakeen se ghubar mai Usi rahguzar k hisar mai Tera rassta koi aur hai Mera rasta koi aur hai.. Nazam # 3
Mairay Humsafar, mairay saath tum...
sabhi mausamon mein raha karo
kabhi dhool banke urra karo
kabhi phool banke ugga karo
kabhi dhoop banke gira karo
kabhi shaam ban k chaya karo
mairay Humsafar mairay saath tum...
kabhi chaand ban k dikha karo
kabhi taaron mai hansa karo
kabhi saanso mein tum basa karo
kabhi aansuon mein baha karo
mairay Humsafar mairay saath tum...
kabhi rangon main tum dikha karo
kabhi khushbuon se chua karo
kabhi nazaron se tum chupa karo
kabhi sapnon mai bhi mila karo
mairay Humsafar mairay saath tum...
kabhi aas ban k Dua karo
kabhi hosala bhi bana karo
kabhi intazaar bhi bana karo
kabhi saath saath mairay chala karo
mairay Humsafar mairay saath tum...
kabhi baarishon mai mila karo
kabhi badalon mai chupa karo
kabhi hum se tum kuch gila karo
kabhi shuru ek naya silsila karo
mairay Humsafar mairay saath tum... Kabhi lehron mai tum baha karo kabhi sahilon pe mila karo kabhi yuhin yaad aaya karo kabhi khayalon se na jaaya karo mairay Humsafar mairay saath tum... sabhi mausamon mai raha karo har Khushi-o-Gham mai raha karo Hamesha saath mairay raha karo Har dam paas mairay raha karo Nazam # 4 Mere HUMSAFAR mere humnasheen Maine rab se manga toh kuch nahi Yeh talab kiya k mere khuda Sabhi rahatein Sabhi chahtein Woh atta kerein tujhe manzilein Mere paas joh bhi hai tera Nahi hai kuch bhi tere siwa Meri dosti Meri zindagi Mera illm bhi Mera naam bhi K meri subha bhi Meri shaam bhi K joh mil sakein mere daam bhi Woh sabhi kuch tujhe atta kere Meri jaan tu yakeen ker Mujhe mangna toh na aa saka Maine phir bhi mangi yehi dua K gawahi de ga mera khuda Maine jab bhi uss se talab kiya Nahi manga kuch bhi tere siwa Nazam # 5 Sunsaan rahon par chaltey Dil sawaal kartaa hay Aaj kyun akailaa hoon ? Dil ko ab kiaa batlaain Khail yeh muqadar kay Kuch ajeeb hotey hain ! Dil main basney walon kay kab Sathnaseeb hotey hain ! Khail hum ek khailey they Khail hum woh harey hain FAISAL us kee chahat main Jaan o dil bhee warey hain Phir nahee milaa woh jab Tab khayal aayaa kay Main bhee kitnaa tanhaa hoon Mairee es tanhaee main Koi humsafar hotaa Main bhee ghar ko jaataa gar Mairaa bhee koi ghar hotaa Aisaa to par kuch bhee nahee Main hoon tanhaa rahain hain Jin par jab bhee chaltaa hoon Dil sawaal kartaa hay !!! Nazam # 6 ye bata de mujhe zindagi pyaar ki raah k humsafar kis tarah ban gaye ajnabi yeh bata de mujhe zindagi phool kiun saare murjha gaye kis liye boojh gaye chandini kal jo baahon main thi aor nigaahon main thi ab woh garmi kahaan khogaye na woh andaz hai na woh aawaz hai ab woh narmi kahn kho gaye bewafa tum nahin bewafa hum nahin phir woj jazbaat kyon so gaye pyaar tum ko bhi hai pyar hum ko bhi hai faasale phir kiun ho gaye yeh bata de mujhe zindagiiiii Nazam # 7 Aye Meray Humsafar, Aye Meray Humnasheen! Jao Aur Kissi Aur K Aanchal Mein Apnay Saaray dukh, Apnay Saaray Aansoo Chupa Lo Apnay Dil Ko Ussi Ka Bana Lo K Mearay PaaoN Mein Zanjeer Parri Hai Meray MaaN Baap K Pyar Ki Meray Bhai K Maan Ki Meri BehnoN Ki Muskaan Ki Main Ik Par kata Panchi Hoon Jo Kabhi Urrnay K Qabil Naa Ho Gha Jo Bawjood Koshish K Bhi Manzil Par Pohanchay K Laiq Naa Ho Gha Meri Khatir Tum Apni Duniya Mat Barbaad Karo Jao Aur Kissi Aur Sey Pyar Karo Apnay Khawab Kissi Aur K Naam Karo Itna Yaqeen Hai Mujhe K Woh Bhi Tumhain Pyar Karay Ghi Apna Sab Kuch Tum Par Waar Dey Ghi Kabhi Sawal o Jawab Naa Karay Ghi Kyun K...!!! Woh Bhi To Bilkul Meray Jaisi Ik Nazuk Sii Larki Ho Ghi Jo Meri Tarah Qurbani Dey Kar Apni Sab KashtiyaaN Jala Kar Tumharay Paas Aayi Ho Ghi Lekin! Afsos K Sab Ki Nazar Mein Woh Ik Bey Mol sii Larki Ho Ghi...!!! Nazam # 8 Mujay Maaf Kar Mere Humsafar Tujay Chahna Meri Bhool Thi Kisi Raah Per Jo Uthi Ek Nazar Tujhay Dehkna Meri Bhool Thi Koi Nazam Ho Ya Koi Ghazal Kaheen Raat Ho Ya Kaheen Seher Wo Gali Gali Wo Sheher Sheher Tujay Dhoondna Meri Bhool Thi Tere Ghum Ki Koi Dava Nahi Mujay Tujh Say Koi Gila Nahi Mera Koi Tere Siwa Nahi Ye Sochna Meri Bhool Thii !! Nazam # 9 Kathin hey zindagi kitni safar dushwaar hey kitna kabhi paaon nahi chaltey kabhi rasta nahi milta hamen to sheher men koi terey jesa nahi milta mujhey phir bhi merey maalik koi shikwaa nahi tujh sey men har dukh jhail sakta hoon men jaan par khail sakta hoon agar too aaj hi kar day muhabbat hamsafar meri.......!!!!!!!!! !!!!! Nazam # 10 Mere Humsafar Tu Meri Zindgi Hai Tu He Chahton Ki Haseen Dastan Hai Tere Bin Adhore Hain Qisey Wafa Ke Tere Bin Mohabat Ka Sona Jahan Hai Mere Humsafar Tu Meri Zindgi Hai Tu He Chahton Ki Haseen Dastan Hai Har Ek Sans Mujh Ko Tmana Hai Teri Meri Har Sada Ko Teri Aarzoo Hai Tu Rehta Hai Mujh Mein Meri Jaan Ban Ke Meri Dharknon Mein To He Naghma Khvan Hai Mere Humsafar Tu Meri Zindgi Hai Tu He Chahton Ki Haseen Dastan Hai Main Youn Gum Hon Teri Wafaon Mein Har Pal Ke Tujh Bin Kuch Bhi apna Dikhai Na Dey Tu Mujh Ko Mila To Mehkne Laga Main Ke Jaise Baharon Ka Tu Aashyan Hai Mere Humsafar Tu Meri Zindgi Hai Tu He Chahton Ki Haseen Dastan Hai Meri Aarzoon Ki Tasveer Hai Tu Joo Dekha Tha Sapna Woh Tabeer Hai Tu Tere Dam Sey Roshan Hain Ulfat Ki Rahain Ke Tujh Se Mohabat Ki Mehfil Jawan Hai Mere Humsafar tu Meri Zindgi Hai Tu He Chahton Ki Haseen Dastan Hai Tere Bin Adhore Hain Qisey Wafa Ke Tere Bin Mohabat ka Sona Jahan Hai