Ghum ko orRh leta hun
Zehan say, Takhai'ul say
Zehar teri mohabbat ka
Apnay dil k daman say
khoon teri hasrat ka
jab nichooR leta hun
Ghum ko orRh leta hun
Koi chekhta hai jab
wasl kay andheron mein
Koi Dobtaa hai jab
Dhal chukay saveron mein
Khud ko toor leta hun
ghum ko orRh leta huu
Kirchiyan jo bikhre hain
mehar ki, wafaaoon ki
phut chuke jo tasverain
tujh say Bay-nawaoon ki
Un ko jooR Leta hun
Ghum ko orRh Leta hun
Dabey paaoN yuNhi jab
Shaam ghum ki dhul jaiy
rah chaltay chaltay jab
Bay-wafa woh mil jaiy
Mou ko mooR leta hun
ghum ko orRh leta hun