 Re: WS - Pardais Janey Ka Gham | |
Pardais janey kaa ghum
Kon boojh sakta hay
Pardaision kay aansoo
Kon poonch saktaa hay
Koi bhee nahee hotaa
Jis kay galey lag jaain
Eid kay din bhee hum
Udasion main gum, gaain
Geet woh mohabbat kay
Hum jo gungunatey they
Sochon main, Khayalon main
Aik hotey jatey they
Kis tarah say kat'tee hay
Kis tarah say batlaain
Dil kay zakhm apnon ko
Kis tarah say dikhlaain
Zakhm jo ek nishaanee hain
Chahaton kay bandhan kee
Jo kay hum nay bandhey they
Jo kabhi naa totain gay
Hum hee toot jaain gay
Teray dukh kee kulfat say
Tab hee choot paain gay |