Aey Shaam Usay Batana
Sarab Us Ki jUstajOo Kay
Nasaab Us Ki AarzOo Kay
Chaar Soo Bikhray Hoye Hain
Kasak RutOun Ki DaStaanien
Har Eik Lafz Mein Band Hain
Meri Aankhien Saaye Ki Manind Chup Hain
Magar In Mein Basa Intezar
Ab Bhe Zinda Hai
Aey Shaam Usay Btana
Usay Apnay Ander Zinda Rakhtay Rakhtay
Meray Saray Jazbay Jhulas Gaye Hain
Paas e Waffa Kay Bharam Mein
Mera SakOon Jal Chuka Hai
Meri AankhOn Mein Bus Rakh Hi Rakh Hai
Jin Mein Har Lamha
Us ki mOhabbat Ki Chingarii
Bharakti Rehti Hai
Aey Shaam Usay Batana
Pehlay Bhe PaniyOun Mein Rehtay Thay
Ab Bhe Sumandar Mein Ghar Banaya Hai
dOobtay SOoraj Ki Zard RoShni Sey
Khud Ko Iztarab K Singhar Sey Sajaya Hai
Dhalti Shaam Sey Ley Kar
Dhalti Shaam Tak
LahOo Ney Usi Ka Hi Ryaaz Keya Hai
Jis Sey
Meri Khalvatien , Meri Jalvatien
Har Ghari Aabad Hain
Aey Shaam Usay Batana
Kia Meri Sari Raatien
Firaaq Ki Rut Mein Basar hOngi?
Or Mughe Batana K
Mein Khud Ko Kaisay Samghaon
K AdhOori Khwaahish
HontOun Ko Khushk
Or AanhkOn Ko Num Rakhti Hai
Aey Shaam Usay Batana
K Is Barbaad , Geelay Nagar Mein
Main Hi Nahe Wo Bhe Rehta Hai
Usay Kehna
K Meray Ander Wo Is Trah Hai
Jis Trah "ISHA" Mein "Vitar"
Meray Sath Sath Bhe
Mugh Sey Juda Bhe
Aey Shaam Usay Batana