 so hum b khaak hein............ | |
tumhain maloom hai hum ney
kisi key hijr main
yeh kesi zindagi guzari hai
her ik khushbu ki aahat per
guman us ka guzerta tha
her ik sa'at per dil aankhon main aa ker
baith jata tha
kai pehlu badalti khuahishain
hathon ko phelaye
duayen mangti aur hanpti
dil sey guzerti theen
magr jo hijr laahaq hai
woh jism-o-jaan ki deewaarain girata hai
umeed-o-baim ki aankhon sey
beenai key saarey manzaron ko
khaak kerta hai
so hum bhi khaak hain
aur khaak ki taqdeer main likha hai
bey'amaan rehna !! |