 Bohoot hii yaad........ | |
Bohot hi yaad aata hai mere dil ko tarpaata hai
woh tera paas na hona bohat mujh ko rulaata hai
woh mera teri aankhon ke samandar main utar jaana
aur teri muskurahat ke bhanwar main doobte jaana
teri awaaz ke sahar se na nikal paana
tujh ko dekhna aur be-khudi se dekhte jaana
bohat chaha in guzre hue lamhon ko na sochoon
na teri yaad main reh ke tere saath ka sochoon
bhula doon saari yaadon ko ke jin se dil tarapta hai
ke jin se tees uth ti hai ke jin se dard hota hai
magar jab raat aati hai to teri yaad aati hai
tere hi khawab hote hain teri hi baat hoti hai
to tai paaya ab mumkin nahi tujh ko bhula dena
teri yaad main rehna tujhe hi sochte rehna
tujhe jab yaad karte hain to dil apna tarapta hai
woh tera paas na hona bohot mehsoos hota hai!!!!
__________________
Aansu jo beh rahey hein inhein behne do
Yeh keh rahey hein dil ki baat, kehne do
Bohoot bewafa ho tum, yeh hum ko hai maloom
Tum apni wafa ki baat, apne tak hi rehney do! |