Originally Posted by farz-karo

THANKS FOR ALL MEMBERS WHO WELCOME ME. NOW I AM POSTING COMPLETE POEM.HOPE U WILL LIKE IT

farz karo tum chhat pe bethi dhoop mein ball sukhati ho
farz karo ke dhoop ka us din kuch kuch rung gulabi ho

farz karo yoon bethe bethe gehri soch mein khoo jao
ball sukhane bhool ke sur gutno per rukh ke soo jao

farz karo us neend mein tum ne dekha aisa sapna ho
bekul ho ke mun yeh chahe kash yeh aisa sapna ho

farz karo kamre mein bethe tum afsana likhti ho
afsane ke hero ko shaair, dewana likhti ho

afsane ki heroin bhi afsane hi likhti ho
farz karo woh dikhne mein nirmal komal lagti ho

farz karo afsane ka unwan tumhara"sapna" ho
aur afsane ka anjam na tae kar pao kaisa ho

farz karo tum khat likhne ki khawish mun mein pati ho
likhne se pahle tum khat par khushboo khoob lagati ho

farz karo alqaab pe aa ker haath tumhara ruk jae
ankh tumhari dhak dhak karte dil ki janib jhuk jae

farz karo aik naam likhoo likh ker kaato aur phir likhoo
farz karo woh naam tumhare apne us shaair ka ho

farz karo her aik mafrooza goia aik haqeeqat ho
farz karo sapne, afsane, khat ka naam mohabbat ho

farz karo yeh sari battein farz na karni parti hoon
farz karo mun ke aangan mein aashaeen hi basti hoon

farz karo hum doono ka dil bus aik saath dharkta ho
farz karo per kion tum akhir farz karo