Mohabbat ki kisi bhi definition ka ta'aiyun
Is qadar Aasan nahin hai
Maihabbat gar kisi ka personal experience hai tou,
Kisi kai wastey ab tak mehaz aik observation hai
Bohat sey loug aisey bhi hain jo tak
Tasawur ki bina par hi isey explainkartey hain
So is takraar main parna zaroori bhi nahin hai
Magar phir bhi meri tou raye ye hai kai
Mohabbat la'ashaouree jabar hai
Jo Aashiqoun ko un ki chahatoun kai
Kisi level pai tikney hi nahin deti
Mohabbat tou mohib ko us ki khwahish kai
Kisi maiyaar pai rukney nahin deti
Mohabbat sirf aik rasta nahin hai
Aur na ye mehaz manzil hai
Mohabbat tou mohabbat ki nihayat tak
Pohanchney kai liye safr-e-mohabbat hai
Kai jis kai manzil-e-maqsood bhi
Khood hi mohabbat hai
Ye mana kai mohabbat jism aur wasl ki
Paband tou hargiz nahin hai
magar ye wasl ki khwahish sey mustasna
Kabhi bhi ho nahin sakti
Mohabbat main milan ki khwahish har lehzah rehti hai
Ye woh jazba hai jis main Aas mar jaye tou
Phir kuch bhi rehta
Mohabbat main agarchai wasl ka imkan mit jaye tou
Phir bhi yehi ik kaash is ko zinda rakhta hai
Kisi misslink ki ye justajoo har dam isey be daar rakhti hai
Mohabbat khood tou be shak khush gumani hai
Magar phir bhi kabhi ye fitna gar, Aashiq kai
Har achey gumman ko khood hi in secure karti hai
So shayed ye rabt-o-khoufkai hi darmiyaan kuch hai
Magar ye bhi haqeeqat hai mohabbat ki haqeeqat ko samjhna
Har kisi kai bas main kab hai
Ye aisa kashf hai kai jo riazat sey nahin milta
Bohat maqbool lougoun kai diloun par
Jab kisi ilhaam ki soorat utarti hai
Tou phir be had achanak hi kisi kai be pannah
Mehboob ho janey ka ye idraak deti hai
Mohabbat apney maskan kai liye zeeshan lougoun ki
Koi hajat nahin rakhti, ya kuch aisi karamat hai
Kai jin Aankhoun main zahir ho,unhein zeeshan karti hai
Mohabbat darad mandoun ki bohat hi care karti hai
Magar jis ko ye us kai wrong attitude kai bayis
Khood hi reject kar daley
Tou phir us kai liye ye Balty Moore kai "flyover" ki tarah hai
Kai jis sey gar koi ik baar gir jaye tou phir salam nahin rehta
na janaye kiun mujhey lagta hai jaisey kai
Mohabbat be pannah perfacsintish hai
Agara is main wafa daree zara mehjool ho jaye
Tou ye zalim kisi unqaa ki soorat bad gumani kai wase'ie aflak ki
Gehraiyounmain is tarah ja kar basera daal deti hai
Kai phir murr kar nahin Aati
Mohabbat "IT" kai imtehanoun ki tarah hai
Kai jis main cheat karney ka koi mouqa nahin hota
Mohabbat woh tamn'na hai kai jis ki bar yaabi kai liye
Kuch khas jazboun sey hamaisha munsalik rehna
bohat mashroot hota hai
So in ki purity main gar zara bhi nuqs ho tou
Ye dua Baar-e-Illahi tak pohanchna tou kuja
Khood apney da'ayee hi kai sar sey bhi nahin uthti
Mohabbat ki sanad tou qabiliyat parnahin
Balkai qabooliyat par milti hai
Koi is ko faqat jid-o-jehad ki base par pa hi nahin sakta
Mohabbat ik dafa gar kisi sey naraz ho jaye
palat kar dekhna tak ye gawara phir nahin karti
Kisi maqtooh tehnii ki tarah ye sookh jati hai
Hamaisa kai liye hi phir Mohabbat rooth jati hai