 Aarzuuen hazar rakhte hain! | |
aarzuue.n hazaar rakhte hain
to bhii ham dil ko maar rakhte hain
barq kam hausalaa hai ham bhii to
dil ek beqaraar rakhate hain
Gair hai muuraad-e-inaayat haa_e
ham bhii to tum se pyaar rakhate hain
na nigaah na payaam na vaadaa
naam ko ham bhii yaar rakhate hain
ham se Khush zam-zamaa kahaaN yuuN to
lab-o-lahajaa hazaar rakhate hain
ChhoTe dil ke hain butaaN mashhuur
bas yahii aitabaar rakhate hain
phir bhii karate hain "Meer" saahib ishq
hain javaaN iKhtiyaar rakhate hain
__________________
Na tha kuch tu khuda tha,
Na kuch hota tu Khuda hota,
Daboya Mujh ko hone ne,
Na hota main tu Kya hota! |