Asalam O Alekum !
december ki aakhri sham k hawaley sey kuch likhney ki nakaam koshish ki hey....: )
iska image Manahil (Allah Ki Bandi) ney banaya hey @};-thanx a lot manahil...@};-
Count Down
31-12-2005
6:00 pm
Aakhri shaam hey december ki...
zard part hoyi...kurlaati...ba in karti hoyi....
daar o deewar sey lipti hoyi udass kuhar...
aankh main utra hua bheega pehar....
aur kisi yaad ki pur shor lehar...
sab isi shaam k daman main simat jayengey...
dil ko janey kyun gumaaN hota hey...
shaam dhal jaye gi....aur tum bhi palat aaou gey...
ik naye dhang sey phir jeeney ka imkaaN ley kar...
tum chaley aaou gey phir dard ka darmaaN ley kar...
younhi umeed o waahmey ley kar...
shaam pathrayi hoyi beet rahi hey janaa'N...!!!
9:00 pm
shaam pathrayi hoyi...haar gayi...beet chuki....
tum nahi aaye ho ab tak mera darmaaN ley kar...
janey kab aaou gey jab waqt ka raiteela badan...
merey haathon sey phisal jaye ga iss tour k phir...
haath main ho gi hararat na hi aankhon main namoo...
tum nahi aaou gey aur raat ka safaak pehar...
meri nass nass main uadsi ka zehar bhar dey ga...
raat aankhon main basar ho gi issi tour k phir...
sard haathon main koyi talkh sa waadaa hoga...
aik toota hua peymaan k jis k tukrey...
kaanch ki tarha merey zakhm numayaaN kar k...
barha mujh ko ye ahsaas dilatey hongey...
tum nahi aaye...nahi aaye mera darmaaN ley kar...
ik naye dhang sey jee janey ka imkaaN ley kar...
raat pathrayi hoyi beet rahi hey janaa'N...
12:00 am
raat pathrayi hoyi...haar gayi...beet chuki....
tum nahi aaye meri zeest ka samaaN ley kar...
piyass ik ummr ki likhi hey gar chey honton par...
zabt ka karb likha jaye ga uss shid'dat par...
jiss ghari ham ney teri deed ka dariya chaha...
sanss ki khushk zameenoN ko pilaney k liye...
kyunkey iss pa'l sey qabal jaaN pey na ban aayi thi...
tum nahi aaye...par suno janaa'N...
aakhri saa'atain december ki...
zabt ka jesey imtehaaN thehreen...
wo jo shid'dat thi uss ghari dukh ki...
wo gaye saal ka unwaan rahi...
tujhko dekhey bina december ki...
aakhri shaam ka't gayi aakhir...
sanss pathrayi hoyi...haar gayi...beet chuki...!!!