Thread: Muhabbat say Muhabbat ho gaii hai...!
View Single Post
  #1  
Old 03-17-2006, 04:10 PM
naz's Avatar
naz naz is offline
~!~ KasaK ~!~
  
Join Date: Jul 2005
Location: Adhore Chand Ke Pass
Posts: 18,893

Country:

Tutorials: 2

Thanks: 0
Thanked 21 Times in 21 Posts
Nominated 0 Times in 0 Posts
TOTW/F/M Award(s): 0
Rep Power: 2320
naz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond reputenaz has a reputation beyond repute
Thumbs up Muhabbat say Muhabbat ho gaii hai...!
permalink


pichlay dinoN meri Atif Saeed say baat huwi aur humne mil kar aik ghazal likhi ...Ati bhai masha Allah sahib-e-kitaab shayar hain aur inka shumar Pakistan ke namwar shu'ra main hota hai...bayhadd khubsooorat-o-dilkash lehjay main khayalat ko alfaz ke sanchay main dhaltay hain...
ap bhi humari yeh kaawish parhiye..aur apni aara say nawaziye...

Mushtarka ghazal....ATIF SAEED and KANCH KI MEHROO




anayat si anayat ho gaii hai
tumhain mujh say muhabbat ho gaii hai
khushi main bhi nikal aatay hain aansoo
mujhe ronay ki aadat ho gaii hai
tera milna bhi qismat main likha tha
juda rehna bhi qismat ho gaii hai
jo acha hai woh lut jata hai aakhir
bohat mehangi sharafat ho gaii hai
bigaraiN gay mera toofan ab kia?
mujhe us dar say nisbat ho gaii hai
tumharay naam ki tasbeeh hai lab par
muhabbat kiya.. ibadat ho gaii hai !
sakooN mujh ko milay ga dasht main hi
ke apne ghar say wehshat ho gaii hai
main jeewan kaat kar aai hoon janaN
suno ! bay had thakawat ho gaii hai
main har dam orhh kar rakhta hooN isko
tumhari yaad naimat ho gaii hai
main dhay jaoongi...ab mere badan ki
bohat khasta imarat ho gaii hai
muhabbat har kisi say kar raha hoon
muhabbat meri fitrat ho gaii hai
Khudara ab to mil jao mujhe tum
bohat lambi musaafat ho gaii hai
tere aanchal say lipti neend meri
meri aankhoN say rukhsat ho gaii hai
main dharkan ki sadayeN sun rahi hooN
mujhe shayad muhabbat ho gaii hai
main hansta hooN to aankhaiN bheegti hain
mere andar baghawat ho gaii hai
woh aaye hain humaray ghar pe mehmaN
humaray ghar pe rehmat ho gaii hai
yahan biktay hain jazbay koriyoN main
yahan jeena museebat ho gaii hai
mere kacchay gharonday torti hain
mujhe lehroN say nafrat ho gaii hai
suna tha hai judai jaan laiwa
magar yeh to qayamat ho gaii hai
woh shamil ho gaya hai zindagi main
muhabbat say muhabbat ho gaii hai
suno janaN ! yeh barish sardiyoN ki
meri aankhoN ki qismat ho gaii hai
tumharay hijr main ay jaan-e-Mehroo~
dagargooN meri haalat ho gaii hai
har ik Atif~ hisaboN main laga hai
muhabbat bhi tijarat ho gaii hai

__________________
Last edited by naz; 03-17-2006 at 04:13 PM..
SocialTwist Tell-a-Friend Reply With Quote