Urdu Poetry Forum

lakh main sab sey khafa ho k ghar sey chala
mera rishta kisi manzil pe na tota ghar sey

pori ro-daad-e safar tu humain ab yaad nahi
wo ghari yaad hay jab koch kiya tha ghar sey

loutne waloo.n nay har fikr sey azaad kiya
ghar khula chor k hum chal deye tanha ghar sey

hum nay har taaq main ik shama jala rakhi hay
phir bhi rukhsat na howa ghar ka undhaira ghar sey

ghum ki toheen thi saaqi ka sahara lena
warna mehkhana bohat door nahi tha ghar sey

is tarha aik naya shehr howa hay abaad
rabt-e hum-maaigi baaqi nahi ghar ka ghar sey

(qaaf)
paas k ghar main koi raat bohat rota tha
hum nay awaaz bhi thi, koi na nikla ghar sey

ab tu jaise bhi howa Iqbaal guzara kar lo
koi kiya aay ga jab khat bhi na aaya ghar sey

.
.
.
.
.