Urdu Poetry Forum

faqat ik nazar k soroor sey terey rind aise behek gai
k laboo.n tak aa k bharey howe kai jaam raat chalak gai

mujhe zabt-e ghum pe ghoror tha, merey ansoo.n nay wafa na ki
merey raaz-e pursish-e haal per meri chashm-e num sey tapak gai

terey naqsh-e pa sey agar mili mujhe raah-e shouq main roshni
tu meri jabeen-e sajood sey terey naqsh-e pa bhi chamak gai

ye kidher sey mouj-e hawa chali k mizaaj-e waqt badal gaya
ye idher sey koun guzar gaya k fiza main phool mehek gai

mujhe chor dey ya sanbhaal lain, meri laaj aap k haath hay
mujhe aitaraf-e shikast hay, merey paoo.n rah main thak gai

ye safar ka shouq ye manzilain tu faqat naseeb ki baat hay
jo bhatak rahe they pohanch gai, jo pohanch chuke they bhatak gai

meri bazm-e husn-e khayyal main wohi mehkadah hay basa howa
idher aai yaad wo zindagi k fiza main jaam khanak gai

.
.
.
.
.