mujhe laakh ho bharosa, mery dill ka kya thikana
kabhi be-naqaab ho kar merey samney na aana

sar-e bazm tum Khudadra mujhe yoon na azmana
meri samt is ada sey kabhi ab na muskurana

ghum-e zindagi sey mumkin na howa nibah mera
ye karam hay terey ghum ka mujhe ajnabi na jana

terey raaz ka tahaffuz mery bas main ab nahi hay
k nikhar k ho gai hay meri har nazar fasana

ye hansi, hansi nahi hay, ye faraib hay hansi ka
na isey samajh sake tum, na samajh saka zamana

koi taza hadsa phir meri raah tak raha hay
meri samt uth rahi hay wo nigah-e dil-barana

terey ghum ki yaad-garain merey shair meri ghazlain
teri ik nazr ka hasil mera zouq-e shairana