Nazm:Aaina dar Aaina

**mobi91** · #1 01-29-2008, 05:47 PM

Aaina dar Aaina

Is baar woh mila to ajab us ka rang tha
Alfaaz mein Tarang na lehja dabang tha

Ik soch thi ke bikhri hui khaal-o-khad mein
ik dard tha ke jis ka shaheed ang ang tha

Ik aag thi ke raakh mien posheeda thi kahin
ik jism tha ke rooh se masroof-e-jang tha

main ne kaha ke yaar tumhein kya hua yeh
usne kaha ke umr-e-rawaan ki ataa hai yeh

main ne kaha ke umr rawan to sabhi ki hai
usne kaha ke fikr-o-nazar ki saza hai yeh

main ne kaha ke sochta rehta to main bhi hun
usne kaha ke aaina rakha hua hai yeh

dekha to mera apna hi aks-e-jali tha woh
woh shakhs main tha aur himayat ali tha woh

**Ragni** · #2 02-01-2008, 11:08 PM

R u sure k yeh Nazm hai

weisey mujhy toh yeh Ghazal he lag rehi hai

Well nice sharing . . . .

**mobi91** · #3 02-05-2008, 09:20 PM

thank u very much that u left a comment and read it.Main aap ko batata chalun ke yeh nazm kiun hai aur ghazal kiun nahin.
baat yeh hai ke iski zameen koi nahin hai, matlab ke radeef badalta rehta hai aur aik tasalsul hai poori nazm mein matlab ke topic aik hi hai aur iska aik waqaye ki tarha hai.
thank u very much

**Ragni** · #4 02-07-2008, 01:32 AM

	Quote:	mobi91
	thank u very much that u left a comment and read it.Main aap ko batata chalun ke yeh nazm kiun hai aur ghazal kiun nahin. baat yeh hai ke iski zameen koi nahin hai, matlab ke radeef badalta rehta hai aur aik tasalsul hai poori nazm mein matlab ke topic aik hi hai aur iska aik waqaye ki tarha hai. thank u very much

Thanx kis liey ?

Baki Poetry bohat achi hai MAzeed ka intzar rehy ga
Inform karney ka bohat shukriya