Urdu Poetry Forum

Ya Rab! mere sakoot ko naghma-saraai de
Zakhm-e-hunar ko hosla-e-lab- kushaai de

Lehje ko ju-e-aab ki wo nae-navaai de
Dunia ko harf harf ka behna sunaai de

Rag rag mein uss ka lams utarta dikhaai de
Jo kaifiyat bhi jism ko de intahaai de

Shehr-e-sukhan se rooh ko wo aashnaai de
Aankhein bhi band rakhoon to rasta sujHaai de

Takhayyul maahtaab ho,izhaar aa'ina
Aankhon ko lafz lafz ka chehra dikhaai de

Dil ko lahu karooN to koi naqsh ban sake
Tu mujh ko karb-e-zaat ki sachi kamaai de

Dukh k safar mein manzil-e-na- yaaft kuch na ho
Zakhm-e-jigar se zakhm-e-hunar tak rasaai de

Main ishq-e-kaa'inaat mein zanjeer ho sakooN
Mujh ko hisaar-e-zaat k shar se rehaai de

PehroN ki tishnagi pe bhi saabit-qadam rahooN
Dasht-e-balaa mein,rooh mujhe karbalaai de

Log Kahte hain Ki Larkiyan Zindagi Hoti Hain Maut Nahi
Shayad woh Log Bhool Jate Hain ki
Dhoka Bhi ZIndagi Deti Hai Maut Nahi

Originally Posted by Tanya786 Wah Naila G zaberdast sharing bohat he khoobsurat!

Originally Posted by solitaire excellent sharing ji.............

Originally Posted by aryan PehroN ki tishnagi pe bhi saabit-qadam rahooN Dasht-e-balaa mein,rooh mujhe karbalaai de bahut umda

Originally Posted by AAKHRI TARA Assalamo Alykoom Naila Aap Ki Sharing Boht Khubsurat Hai Ye Ghazal Meri Bhi Favourite Rahi Hai 5 Stars Sharing Ki Hai Aapne Mashaallah Se

Originally Posted by ayankhan wonderfull.......... .............