Urdu Poetry Forum

Tumko aik talkh haqeeqat bhi bata detay hain,

Jisko aksar ye LOG chupa detay hain,

Tum nay girtay huvay PAT'TON ko to dekha hoga,

APNI har saans wo TEHNI pe ganwa detay hain,

Kya khoob sajatay hain BAHARON main shajar ko,

Kari DHOOP main apna aap jala detay hain,

Kitnay BE-REHAM shajar hain naye pat'ton ki KHUSHI main,

Peelay pat'ton ko khizaon main gira detay hain,

Aur jo girtay hain QADMON main shajar kay,

LOG unhi pat'ton ko pairon main daba detay hain.....

kahii.n chaa.Nd raaho.n me.n kho gayaa kahii.n chaa.Ndanii bhii bhaTak ga_ii
mai.n charaaG vo bhii bujhaa huaa merii raat kaise chamak ga_ii

merii daastaa.N kaa uruuj thaa terii narm palako.n kii chhaa.Nv me.n
mere saath thaa tujhe jaaganaa terii aa.Nkh kaise jhapak ga_ii

kabhii ham mile to bhii kyaa mile vahii duuriyaa.N vahii faasale
na kabhii hamaare qadam ba.Dhe na kabhii tumhaarii jhijhak ga_ii

tujhe bhuul jaane kii koshishe.n kabhii qaamayaab na ho sakii.n
terii yaad shaaKh-e-gulaab hai jo havaa chalii to lachak ga_ii