Urdu Poetry Forum

Aik Ghazal,

Yaheen Rehtay Hain Lekin Sheher Se Naata Nahi Koi
Paray Hain Aise Goshay Main Jidhar Aata Nahi Koi

Hamaray Dil Ke Andar Roz Ek Sooraj Utarta Hai
Ye Wo Darya Hai Jis Se Laut Ker Jaata Nahi Koi

Hamain Sab Shaakh Se Toota Hua Patta Samajhtay Hain
Bhatak Jayen To Hum Ko Raah Per Laata Nahi Koi

Yahaan To Apne Kaantey Apne Haathon Chun'nay Partay Hain
Ye Wo Basti Hai Jis Main Phool Barsata Nahi Koi

Sada-e-Baazgasht Aati Nahi Ab Ke Pahaaron Se
Tujhe Aawaaz Deta Hoon To Dohraata Nahi Koi

Jo Dekha Hai Wo Aankhon Pe Yaqeen Karnay Nahi Deta
Jo Socha Hai Wo Khud Ko Bhi Bata Paata Nahi Koi

Meray Seenay Ke Ander Kya Koi Jadoo Ki Nagri Hai?
Sada Aati Hai Lekin Saamnay Aata Nahi Koi

Meray MAULA Mujhe Phir Se Wohi Jannat Ataa Ker De
Zamaana Ho Gaya Hai Mujh Ko Behkaata Nahi Koi

Teray Ghar Ka Pata Maloom Hai Meray Siwa Sab Ko
Kisi Se Pooch Lo To Simt Batlaata Nahi Koi

Mujhe Maloom Hai Tuu Sang'dil Hai Be'Muravvat Hai
Meray Dil Ko Magar Teray Siwa Bhaata Nahi Koi

Ager Ye Bhi Barasnay Lag Parain To Mera Kya Hoga?
Ghata'on Ke Siwa Meray Sir Pe Chhaata Nahi Koi

Kisi Ko Maal Deta Hai Kisi Ko Sabr Deta Hai
Sakhi Tujh Sa Do Aalaam Main Meray Daata Nahi Koi

Zara Si Baat Per Kiun Saari Dunya Chhor Di Tum Ne
Aray Apne Keay Per Yuun To Pachtaata Nahi Koi

Mujhe Umeed Hai Aap Logon Ko Pasand Aye Gi..

Regards,

__________________

Bohat khoob.........

zabardast........... ..

__________________

very nice................

__________________

__________________

buhot khoob............... .....

__________________