Urdu Poetry Forum

Aik Ghazal,

Aankhon Main Baaqi Reh Gaye, Ab Teray Khad-o-Khaal Se
Lub Pe Hain Kuch Sawal Se, Dil Main Hain Kuch Malaal Se

Tu Jo Gaya To Yuun Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Se

Itne Qareeb Hoon Teray, Rasta Na Wehem Ko Milay
So'un Teray Hisaar Main, Jagoon Teray Jamal Se

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Se

Tujh Si Hasee'n Ghazal Koi, Mujh Sa Ghazal Sara Koi
Dunia Main Ho Ager Kaheen, Waazeh Karo Misaal Se

Uss Se Gila Ay Dosto, Itna Sa Hai Ke Wo Mujhe
Samjha Nahi Hai Aaj Tak, Ghaafil Hai Meray Haal Se

Umeed Hai Aap Logon Ko Pasand Aye Gi..

Regards,

__________________

tis poitry is very good

__________________
khalil

Waah
la,jawaab..........: clap2

Zabardast ...................

__________________

bay'hud shukria aap sab ka

__________________

very nice................ ...