Urdu Poetry Forum

Originally Posted by PEHCHAN A TRIBUTE TO AHMED FARAZ Abb uss k shehr mai thhehrain k kuch kar jayain............ Ahmed Faraz aaj hamm mai nahi rahey. magar apne khubsurat kalam se jo mohabbatain aur yadain hamare liye chhorh gaye hain, wo dunya e urdu adab mai rehti dunya tak yaad rakkhe jayaingey. aisey laug marte nahee'n hai bal k boht barhi satah par barhi shaan se jeete hain. laug unn k kalam ko aur unn ki collections ko apne paas mehfooz rakhte hain. raat ko bistar par apne takio'n k niche rakhte hain. unn ka kalam kisi bhi dill k darvaze mai rukawat nahi banta. unki mohabbatain khushbuo'n ki tarah laugon k dilon ko mehkati hain. wo aansuo'n ko mita kar muskurahatain aur nafraton ko bhula kar mohabbatain bikhairne aur phelane wala shayar tha. ishq/mohabbat/pyar/lagan/wafa/ye sarey jazbe Faraz k paas aa kar sar nigoo'n ho jate hain, thhehr jate hain. Aisa shayar sadio'n mai paida hota hai. Faraz sab subho ki kirno'n ki tarah bhi thai aur sham k sitaron ki tarah bhi, wo din mai suraj thai tau raat mai chand ki tarah chamkte thai, sham k pehle sitarey se raat AAkhri tarey tak urdu adab k liye roshni ki tarah thai wo sadi k nahee'n sadion k mohabbato'n k shayar thai, unn k jane sey dunya e urdu yateem ho gayee hai. par jo apne pichey jo khazana aur jharna chhorh gayehain uss chashma e aab se rehti dunya tak laug faiz utthate rahengey. wo bazahir to hamain nahee milenge...... ab k hamm bichhre to shayad kabhi khabo'n mai miley...... par har kisi k khabo'n mai haqiqat ban kar milte hi rahengey. unn k liye chand alfaz koi maani nahi rakhte par jo khala chhorh gaye hain unhe tribute de kar kuchh to bhara ja sakta hai. unki aik ghazal haazir hai. mujhe ye aizaaz haasil hai k mai unkey mushairon mai gaya hoon aur bilmushafa mulaqat bhi rahi hai. aur unn shohra e aafaq nazm Faraz aao sitare safar k dekhte hain..... pehli baar hamarey saamne hi parhi thi Allah paak unko gareek e rehmat karey unki nekian qubool karay unke gunah muaf karey Aamin Taalib e dua PEHCHAN kia aise kam sukhan se koi guftagu karey jo mustakil sakoot se dil ko lahoo karey ab tau hamain bhi tark e marasim ka dukh nahee par dil ye chahta hai k aagaz too karey tere bagair bhi to ghanimat hai zindagi khudd ko ganwa k kaun teri justajoo karey ab to ye aarzoo hai k wo zakhm khayain ta zindagi ye dil na koi aarzoo karey tujhko bhula k dil hai wo sharminda e nazar ab koi hadsa hi terey rubaroo karey chup chap apni aag mai jalte raho FARAZ dunya to arz e haal se be aabroo karey

samney umr pari hey shab e tanhaii ki
wo mujhey chor gaya sham se pehley pehley

mery pasndidah poet.ho sakta hey ke kuch dost merey sath ikhtelaf karin lekin mery kheyal mein mujodah daur mein un jesa poet koi nahi .wo apni poetry parhrney walon ke nabz shanas the.alfaz ka chunaao tartib or ghazal ka khas lehja khud batata hey ke ye ghazal Ahmed faraz ke elawa kisi or ki nahi ho sakti.wo aik dalair bebak or nadar insan the.isi liye wo batil ki ankho men ankhain dal kar bat karte the.kuch arsey pehley Geo tv par Hamid Meer ke sath un ki guftgo is baat ka munh bolta suboot hey.ham aik azeem poet sey mehroom ho gaye.Allah un ki kamil maghfirat farmaye.Amin.