Urdu Poetry Forum

raaz-e-ulfat chhupaa ke dekh liyaa
dil bahot kuchh jalaa ke dekh liyaa

aur kyaa dekhane ko baaqii hai
aap se dil laga ke dekh liyaa

wo mere hoke bhii mere na hue
unako apanaa banaa ke dekh liyaa

aaj unakii nazar me.n kuchh hamane
sabakii nazare.n bachaa ke dekh liyaa

'Faiz', taqmiil-e-Gam bhii ho na sakii
ishq ko aazamaa ke dekh liyaa




aas us dar se TuuTatii hii nahii.n
jaa ke dekhaa, na jaa ke dekh liyaa

saaman-e-tijaarat meraa imaan nahii.n hai
har dar pe jhuke sar ye merii shaan nahii.n hai

[tijaarat = trade]

har lafz ko siine main basaa lo to bane baat
taakon main sajaane ko ye quraan nahin hai

[taak = shelf]

allaah merii rizq kii barakat na chalii jaaye
do roz se ghar main ko_ii mahamaan nahiin hai

ham ne to banaaye hain samandar main bhii raste
yuN ham ko miTaana ko_ii aasaan nahiin hai

jis ko buzurgon kii rivaayat na rahe yaad
us shaKhs kii logon ko_ii pahachaan nahiin hai

amn kaa jo paiGaam sunaane vaale hain
galiyon galiyon aag lagaane vaale hain

tum le jaao nezaa Khanjar aur talvaar
ham maqtal main sar le jaane vaale hain

zulm ke kaale baadal se Daranaa kaisaa
ye mausam to aane jaane vaale hain

biimaaron kaa ab to Khudaa hii haafiz hai
saare masiihaa zahar pilaane vaale hain

** This was a satire on the state on medical schools and the attitude of doctors in India
these days **

jaan bachaane vaale to sab hain lekin
ab kitane imaan bachaane vaale hain

ham ko un valiyon kii nisbat haasil hai
dasht ko jo gul_zaar banaane vaale hain

bhuukaa rah ke saa_il ko Khairaat jo de
ham bhii 'Majid' usii gharaane vaale hain

Majid Deobandi.