Polling Ghazal Contest Jan 2008

**~ HijR ~** · #1 01-22-2008, 12:28 PM

Asalam O Alikum

Aj Ghazal contest ki POlling start honay ja raye haii
Ap ko jo Ghazal zada pasand aay usay Vote karain
Aik member sirf aik hi vote kar sakta haii
apnay post ki hoii Ghazal ko Ap vote nai kar saktay

Ghazal 01

Mujhay yaad koi dua nahee meray humsafar abi soch le
Tu meri jabeen pe likha nahee maray humsafar abi soch le

Abi rasta bi hai dhool main abi faida bi hai bhool main
Abi mujh ko tujh se gila nahee meray humsafar abi soch le

Main janam janam se naraz hoon main janam janam se udaas hoon
Main kahbi bi khul ke hansa nahee meray humsafar abi soch le

Tu hai khawab khawab pukarta meri ankh main nahee ashk bi
Main muddaton se jia nahee meray humsafar abi soch le

Tujhay khushbowoon ki hai arzoo tujhay roshni ki hai justjo
Main hawa nahee dayya nahee meray humsafar abi soch le

Tujhay ansowoon ka pata nahee tujhay ratjagoon ka guman nahee
Tujhay is se agay pata nahee meray humsafar abi soch le

Kaheen chhoot sakta hai darmyaan na zameen milay gi na asmaan
Tujhay rastay ka pata nahee maray humsafar abi soch le

Mujhay doondta hi phiray ga tu na jiye ga roz maray ga tu
Main kabi bi ghar pe mila nahee meray humsafar abi soch le

Kaho lautna hai kisay yahan meray dard sun meray meharban
Meray pass waqat zara nahee maray humsafar abi soch le

Ghazal 02

Aag ho to jalne main der kitni lagti hai
Barf k pighalne main der kitni lagti hai

Chahe koi ruk jaaye,chahe koi rah jaaye
Qafilon ko chalne main der kitni lagti hai

Chahe koi jaisa bhi hum safar ho sadi'oun se
Raasta badalne main der kitni lagti hai

Ye to waqt k bas main hai ke kitni muhlat de
Werna bakht dhalne main der kitni lagti hai

Mom ka badan le ker dhoop main nikal aana
Aur phir pighalne main der kitni lagti hai

Soch ki zameeno per raaste juda hon to
Door ja nikalne main der kitni lagti hai

Ghazal 03

Teri RehmatOun Key Dayar Mein Teray BadalOun Ko Pata Nahi

Abhi Aag Sard hOii Nahien Abhi Eik Alao bUjha Nahien

Meri Bazm e Dil To Ujar ChUkii Mera Farsh e jAan To Simat Chuka

Sabhi Ja ChUkey Meray hUmNaSheen Magar Eik Shakhs Gya Nahin

Dar o Baam Sab Ney Saja Liye Sabhii ROshni Mein Naha Liye

Meri Ungliyaan Bhi jhUlas Gaien Magar Eik Charagh jAlla Nahien

Gham e Zindgii Teri Raah Mein Shab e AarzOo Teri Chah Mein

Jo Ujar Gya Wo Bassa Nahien Jo BiChar Gya Wo Milla Nahien

Jo Dil O Nazar Ka SarOor Tha Meray Pass Reh Key Bhi dOor Tha

wOhii Eik gUlaab Umeed Ka Meri Shaakh e jAan Pey Khilla Nahien

Pas e Karwaan Sar e RahgUzar Main ShikaSta Pa hOn To Is Liye

Kaii Qadam To Sab Sey Milla Liye Mera Dil KiSsi Sey Milla Nahien

Mera HUMSAFAR Jo Ajeeb hAi To Ajeeb Tar hOn Main Aap Bhii

mUjhey ManzilOun Kii Khabar Nahien Usey RaastOun Ka Patta Nahien

Ghazal 04

Mairay Humsafar tairy nazar hain mairy umar bahar ki doulatain
Mairay shair, mairy sadaaqatain, mairt dharkanain, mairy chahatain

Tujhay jazb kar loon lahoo mai ke firaaq ka na rahay khtara
Tairy dharkanon mai utaar doon yeh khwaab khwaab rafaaqatain

Yeh Redaa-e-jaan tujhay souap don ke na dhoop tujh ko kari lagay
Mairay jeetay jee tujhay dukh na dain kisi mehar-e-gham ki tamaazatain

Mairy subah tairy sada se ho mairy shaam tairy ziya se ho
Yahi tarz-e-purshish dil rakhain tairy khusbo'on ki safaartain

Koi aiysi bazm-e-bahaar ho jahan main yaqeen dila sakoon
Ke taira naam hai fasal-e-gul ke tujh hi se hain yeh karaamatain
Taira qarz hain mairay roz-o-shub mairay paas apna to kuch nahi
Mairy rooh mairy mataa-e-fun meri saansain tairy amaanatain

Ghazal 05

JO KHAYAL THAY NA QAYAS THAY WAHEE LOG HUMSAY BICHAR GAYAY

MERI ZINDAGI KEE JO AAS THAY WAHEE LOG HUMSAY BICHAR GAYAY

JINHAIN MAANTA HEE NAHEEN YEH DIL, WAHEE LOG HAIN MAIRAY HUMSAFAR

MUJHAY HAR TARAH SAY JO RAAS THAY WAHEE LOG HUM SAY BICHAR GAYAY

MUJHAY LAMHA BHAR KEE RAFA'QATON KAY AZAB AUR SATAYAINGAY

MERI UMR BHAR KEE JO PIYAS THAY WAHEE LOG HUMSAY BICHAR GAYAY

YEH KHAYAL SAARAY HAIN AARZI, YEH GULAB SAARAY HAIN KAAGHZI

GUL-E-AARZO KEE JO BAAS THAY WAHEE LOG HUMSAY BICHAR GAYAY

JINHAIN KAR SAKA NAAA QABOOL MAIN, WOH SHAREEQ-E-RAAH SAFAR HUWAY

JO MERI TALAB MERI AAS THAY WAHEE LOG HUMSAY BICHAR GAYAY

YEH JO RAAT DIN MAIRAY SAATH HAIN, WAHEE AJNABI KAY HAIN AJNABEE

WOH JO DHARKANON KEE ASAS THAY WAHEE LOG HUMSAY BICHAR GAYAY

Ghazal 06

Mere HUMSAFAR teri berukhi dil-e-mubtala ki shikast hai

Isse kis tarha main kahoon fatah yeh meri anna ki shikast hai

Tu chala gaya mujhe chor ker maine phir bhi tujh ko sadaaein dein
Mere HUMSAFAR tu ruka nahi yeh meri sada ki shikast hai

Tujhe la k dil main bitha diya tujhe raaz har eik bata diya

Tune phir bhi koi wafa na ki yeh meri wafa ki shikast hai

Mian charag-e-khoona mizaaj tha tujhe bijliyon ki talab rahi

Mujhe aandhiyon ne bhuja diya yeh meri ziya ki shikast hai

Mujhe iss tarha na satao ge mujhe zoam tha k na aao ge

Mera ghalat wehm-o-gumaan hi meri inteha ki shikast hai

Mujhe koi tujh se gilla nahi tu mila tha kab k bichar gaya

Mere jurm ki hai yeh saza yeh meri saza ki shikast hai

Meri khamoshi k byaan ko tu samjh k bhi na samjh saka

Mere aansoon k pyaam hi dil-e-benawa ki shikast hai

Ghum-e-dastaan-e-hayaat k sabhi tazkare hoe rayegaan

Mere charagar tera yeh hunar meri har dua ki shikast hai

Mujhe razmagah-e-hayaat main youn kabhi na koi gira saka

Teri khamoshi ki pukar hi meri ibteda ki shikast hai

Meri jaan khamosh reh bhala zoor kis ka hawaon per

K jahan bhi rukh yeh badal gaein wahein na khuda ki shikast hai

Ghazal 07

muttafavatain hain mere khuda ki ye tu nahin koi aur hai

k tu asaman pe ho to ho pisar-e-zamin koi aur hai

wo jo raste the vafa ke the ye jo manzilain hain saza ki hain

mera hamsafar koi aur tha mera hamnashin koi aur hai

mere jism-o-jan main tere siva aur koi bhi dusra

mujhe phir bhi lagta hai is tarah ki kahin kahin koi aur hai

main asir apni Ghazal ka main faqir dasht-e-visal ka

jo hiran ko bandh ke le gaya wo subuktagin koi aur hai

Ghazal 8

Yeh Chiragh Bay Nazar Hai, Yeh Sitara Bay Zubaan Hai
Abhi Tujh Say Millta Jullta Koi Dosra Kahan Hai

Kabhi Pa K Tujh Ko Khona, Kabhi Kho K Tujh Ko Pana
Yeh Janam Janam Ka Rishta Tere Mere Darmyan Hai

Mere Sath Chalnay Walay Tujhay Kya Mila Safar Main
Wohi Dukh Bhari Zameen Hai, Wohi Ghum Ka Aasman Hai

Main Isi Gumaan Main Bara Mutmayeen Raha Hoon
Tera Jism Bay-Taghayoor, Mera Pyar Jawdaan Hai

Onhi Rastoon Nay Jin Per Kabhi Tum Thay Sath Mere
Mujhay Rook Rook Pocha Tera Humsafar Kahan Hai

Ghazal 09

jo dawa kar na saky lafz wo kar jaty hain
zakham seeny k duaoon sey bhi bhar jaaty hain
Aabla pai muqddar hai phir un logo ka
tery koochey sey jo ek baar guzar jaty hain
itny manoos fasaadaat sey hain sehar key log
aman hojaiy zara sa toh yeh dar jaty hain
hoon gira un ki tabiat pe mery haath ka lims
is trah gasooey jaana too sanawar jaty hain
ab bula ta hai humeen gair ki manind wo shaks
hum bhi mehfil main be andaaz-e-diger jaty hain
saar bachaa laay hoon muqtal sey lagy hai SAHIB
rooz jab lout key hum shaam ko ghar jaty hain

Ghazal 10

Koi Kaysa Humsafer Hai Ye Abhi Se Maat Batao
Abhi Kia Pata Kisi Ka K Abhi Chali Nahi Hai Nao

Ye Zarori Tu Nahi Hai K Sada Rahein Marasim
Ye Safer Ki Dosti Hai Issay Roog Maat Banao

Meray Charagar Bohut Hain Ye Khalish Mager Hai Dil Mein
Koi Asa Ho K Jis Ko Hoon Aziz Meray Ghaoo

Tumhay Aainagari Mein Hai Bohut Kamal Hasil
Mera Dil Hai Kirchi Kirchi Issay Jor Ker Dekhao

Koi Qais Tha Tu Hoga Koi Kohkin Tha Hoga
Meray Ranj Mokhtalif Hain Mujhay In Se Na Milao

Ghazal 11

Aakar Kahan Se Yeh Udassi Rahi Hai
Bankar Meri Ab Tou Daasi Rahi Hai

<O

Kahan Hai Gumzada Meri Muhbbat<?xml:namespace prefix = o /><o:p></o:p>
Unke Lub Par Kayam Hansi Rahi Hai<o:p></o:p>
<o:p></o:p>
Reh Gayee Hai Yaad Teri Humsafar Bankar<o:p></o:p>
Tab Se Na Intezaar Na Talaashi Rahi Hai<o:p></o:p>
<o:p></o:p>
Ki Nahi Dua Apne Lambi Umar Ki “Manan”<o:p></o:p>
Tabhi Mautt Aakar Mujhe Jaga Si Rahi Hai<o:p></o:p>

<o:p></o:p>Ghazal 12

Daastaan saadah sahi ehl e nazar kehny to do
jaanta hoon kuch nahi hoota magar kehny to do

phir raha hoon koo ba koo , qarya ba qarya by amaan
hoogaya main kistarah yoon dar badar kehny to do

haath naama bar k hoonttoon par na rakho , sooch lo
ye bhi mumkin hy k sachi ho khabar kehny to do

sab bharam khul jaaega daanaaiyoon ka ek din
bus kabhi us by hunar ko by hunar kehny to do

tum nahi sunty to shayad aasmaan sun ly mujhy
apna afsaanah ba'andaaz e dagar kehny to do

rookty ho arz e tafseel e sitam sy kis liye
dard kiun hy , kis tarah hy charah gar ! kehny to do

baat kehny ka saleeqa hoo na hoo , kehta to hoon
aa hi jaaega zabaan main bhi asar , kehny to do

khaamushi main ghutt k mar jaany sy bachna hy mujhy
jo guzarna thi so guzri , Hamsafar! kehny to do

"Arsh", roodaad e jafaa girya sy kuch aagy bhi hy
munkashif hoojaaen gy sab rukh , magar kehny to do

**~ HijR ~** · #2 01-22-2008, 12:36 PM

Ghazal 13

Ban mera “Humsafar” soch kar dekh kar
Sath day par meri “Rehguzar” dekh kar

Apna maazi buhat yaad aaya mujhe
Sabz pata koi shaakh par dekh kar

Main ne bhi chaar din zindagi ki tau thi
Yaad aaya mujhe ik ghar dekh kar

Chaandni raat phir chaandni raat hai
Bay maza ho gya hoon sehr dekh kar

Ishaq per mera emaan pukhta hoa
Apni janib kissi ki nazar dekh kar

Dost ! Mujh koi aisi jaldi nhi
Chal raha hoon main apna safar dekh kar

Ban mera “Humsafar” soch kar dekh kar
Sath day par meri “Rehguzar” dekh kar

Ghazal 14

Bikher rahi hai meri zaat usy kehna
Kabi mile to yehi baat usy kehna
Wo sath tha to zamana tha humsafer mera
ab koi nahien mere sath usy kehna
Usy kehna k bin us k din nai kat'ta
sisak sisak k kat'ti hai rat usy kehna
Usy pukaron k khud hi pohanch jaun us k pass
Nahien rahe wo halaat usy kehna
Ager wo phir b na lotay to ay meherbaan qasid
Hamari zeest k halaat usy kehna
HER JEET US K NAAM KER RAHA HUN MAIN
MAIN MANTA HUN APNI MAAT USY KEHNA

Ghazal 15

nA sAwAL SoOd-O-ziYAn kA kAr hAi wOh kiA jO mUjh kO miLA nAHi
mErE HUMSAFAR tu yAqEeN kAr mUjHE tuJh sE kOi fiLA nAhi

mEri jaA'N nA kOi fiKAr kAr, mUjHE mAnziLo'N ki tALb nAhi
hOn wOh rEhguzAr jO uJaAr hAi, kabHi jiS pay kOi cHaLa nAhi

kAbHi rAasTay kAbHi maNziLaiN, kabHi dOoRiYaN kAbHi qURbAtAiN
hAiN rAh-E-hAyAaT k siLSiLay,tEri iS mAiN kOi kHaTa nAhi

k hArA rAhE tErA nAkHL-e-jAa'N tErE hAR qAdAM pAY bAhAr hO
yEhi ViRd hAi mErA rAat diN, mErE Lab pAY kOi dUa nAHi

hAiN tErE kArAm ki hE baAriShAiN jO sAdA RaHi mErE haAL pAY
kAroN TuJh Se kOi giLA kAbhi, yE mUhABbAtO'n kA siLA nAHi.

Ghazal 16

Khawab Jhootay Kissi Ko Dikhaya Nahi Kertay
Meeri Jaan! Youn Kisi Ko Satya Nahi Kertay

Aik Baar Youn Kisi Ko Keh Ker Apna
Daman Phir Uss Say Churaya Nahi Kertay

Uskay Intezar Say Bhala Kia Ho Ga Hassil
Annay Ka Keh Ker Bhi Joo Aya Nahi Kertay

Rekhtay Hoon Jo Derd Bhara Dil Apnay Seenay
Dosroon Ka Dil Phir Woh Dookhaya Nahi Kertay

Doo Qadam Sath Chaal Ker Jo Juda Hoo Jaien
Aysay Loggon Ko Tu Humsafar Banya Nahi Kertay

Kistarha Guzarti Ho Gi Zindagi Unki
Pehli Muhabbat Ko Jo Dil Say Bhulaya Nahi Kertay

Ghazal 17

ajab raat hai ye tilismaat kii
zameeN aasmaaN ne mulaqaat kii

sunaa raat jab hai inaayaat kii
sitaaroN ne shab bhar munaajaat kii

bhalaa baat kab thi ye ik raat kii
ke har shab hi nainoN ne barsaat kii

zaraa intehaa dekh sadmaat kii
ke haalat bhi khastaa hai haalaat kii!

faqat baat kii thii musaawaat kii
na thii baat woh ikhtilaafaat kii

nahii raas aati hai izzat jise
wahi baat kartaa hai auqaat kii

na ho shaad mujh ko yuN khush dekh kar
khushii to hai ye chand lamhaat kii

ishaaroN meiN jaane woh kyaa keh gaya
hui mujh pe baarish sawaalaat kii

jo qismat ne cheena miraa humsafar
mitaa diiN lakeereiN sabhiN haath kii

ye sher-o-sukhan,ye mirii shaa'irii
rudaad-e-mohabbat hai har zaat kii!

Ghazal 18

Ujala meray andhreron me kuch der jaga to sahi
Mein doob jaon mera muqadar tu hath barha to sahi

Esa bhi nahi keh mein loat hi na paonn ga
Ek baar mujhay tu dill say bula to sahi

Zarori to nahi keh khushi hi apna muqadar ho
Nikal es bay yaqeni say meray saath a to sahi

Maein har giz yeh nahi kehta teray ghum bhi maein seh longa
Teray dill par hay jo guzri mujay kuch bata to sahi

Muntazir hein meri aankhein keh koi Chashma photay ga
Meray HUMSAFAR kar sitam mujh par mujhay rula to sahi

Maein ashqon ki ravani say musalsil thak chuka hun ab
Meri palkon ko poncho tum mujhay hasa to sahi...

Ghazal 19

Tujhe kya pata tujhe kya khabar mere hamsafar
Tujhe chahta huN maiN kis qadar mere hamsafar

Mere dil ki dekhna tishnagi meri zindagi
Kabhi aa milo kisi mord par mere hamsafar

Mere dil ko hai teri justajo mere khoobroo
Tujhe duNdhti hai mere nazar mere hamsafar

Tujhe chahna meri bhool hai ye qubool hai
NahiN manta dil-e-fitna gar mere hamsafar

Tujhe kaun kitna hai chahta tujhe kya pata
Kabhi dekhna zara sooch kar mere hamsafar

YuN na baat baat pe ho khafa mere dil ruba
Ke hayat hai bardi mukhtasar mere hamsafar

Ghazal 20

ham_safar hotaa ko_ii to baa.NT lete duuriyaa.N
raah chalate log kyaa samajhe.n merii majabuuriyaa.N

muskuraate Khvaab chunatii gun_gunaatii ye nazar
kis tarah samajhe merii qismat kii naamanzuuriyaa.N

haadaso.n kii bhii.D hai chalataa huaa ye kaaravaa.N
zindagii kaa naam hai laachaariyaa.N majabuuriyaa.N

phir kisii ne aaj chhe.Daa zikr-e-manzil is tarah
dil ke daaman se lipaTane aa ga_ii hai.n duuriyaa.N

Ghazal 21

raaz kii baaten likhii aur Khat khulaa rahane diyaa
jaane kyon rusavaiion kaa silasilaa rahane diyaa
umr bhar mere saath rahakar vo na samajhaa dil kii baat
do dilon ke daramiyan ik fasala rahane diyaa
apanii fitarat vo badal paayaa na isake bavajuud
Khatm kii ranjish magar gilaa rahane diyaa
main samajhata tha Khushii degii mujhe "Sohaib" fareb
is liye main ne Gamon se raabataa rahane diyaa

Ghazal 22

Mera Humsafar bada wafadar hai
Kuch mangta nahi bada khuddar hai

kehta hai uska masiha hun mai
bin uske jina mera dushwar hai

Har sham uska banna sanwarna
Har sham koi naya tyohar hai

Jab puncha narazagi ka sabab
Kaise kahe aapka hi intejar hai

Ghazal 23

kis sey mehfil ke baat karte ho, main to tanhaaiyoun mai rehta hoon
humsafar koun hai mere gham ka, main to parchaaiyoun main rehta hoon

mujhko maaloom hai ke gham kia, mujhko maaloom zindagi kia hai
tum zamane ki baat kartey ho, main to gehraiyoun main rehta hoon

meri aawaaz loog suntey hain, dard ka saaz loog suntey hain
meri shohrat to aaik dhoka hai, main to ruswaiyoun maim rehta hoon

khud ko barbaad kar liya main ne, gham se aazaad kar liya main ne
ab weerana mera thikana hai, apni barbaadiyoun main rehta hoon

mujhse poocho na aansuon ka sabbab, jo mere paas hai muqadar hai
kiya khushi hai ye keh nahi sakta, gham ki main aandhiyoun main rehta hoon

Ghazal 24

Jo gair the issi baat pur humary howe
k hum se doost bhoot bekhabar humary howe

kissey khabar wo mohabat thi ya raqabat thi
bhoot se loog tujey dekh kur humary howe

abb eak hajoom-e-shikasta dilla hai sath apne
jinney koi na mila humsafar humary howe

kissi ne gum to kissi ne mazaj-e-gum bukhsha
sub apni apni jagga charagur humry howe

bhuja k taaq ki shamyain na dekh taroon ko
issi junoo main to barbaad ghar humry howe

wo ehtimad khaan se liyain ge faraaz
kissi ko choor k wo ab agur humry howe

maheeeen · #3 01-22-2008, 01:16 PM

buhat kamal ha sari ghazals

**shoog** · #4 01-22-2008, 11:44 PM

Voted..................

**Asifa** · #5 01-23-2008, 05:52 AM

	Quote:	shoog
	Voted..................

**HamTum** · #6 01-23-2008, 07:39 AM

voted..............